Alles Door Oefening Den Haag, algemeen bekend as ADO Den Haag, is 'n Nederlandse sokkerklub in die stad Den Haag. Die klub was vir 'n tyd bekend as FC Den Haag, met ADO wat die amateur tak van die klub verteenwoordig het. Alhoewel dit deel van een van die tradisionele drie groot Nederlandse stede uitmaak, kon die klub nie die suksesse van AFC Ajax, Feyenoord of PSV in terme van die Eredivisie of Europese kompetisies ewenaar nie. Daar is nieteenstaande 'n groot mededinging met Ajax en Feyenoord.

Die klub is gestig in 1905, maar het dit moeilik gevind om teen die groot Nederlandse spanne te kompeteer, deels a.g.v. die populariteit van krieket in die stad.

ADO Den Haag wen die Eredivisie titel in 1942 en 1943 en die KNVB-Beker in 1968 en 1975 (onder die naam FC Den Haag). Hulle grootste Europese sukses was 'n kwarteindronde wedstryd teen West Ham United vir die Europese Beker Wenners Beker in 1976. 'n 4-2 wen in Den Haag gevolg deur 'n 3-1 verloor in Londen het eliminasie tot gevolg gehad.

ADO ondersteuners het sterk bande met die Walliese klub Swansea City. Vlae van die respektiewe klubs word dikwels by die ander klub se wedstryde gewaai, en beide klubs speel gereeld voor-seisoen vriendelike wedstryde teen mekaar. Legia Warszawa (Pole), Club Brugge (België), en Juventus F.C. (Italië) deel ook sterk ondersteuner bande met ADO Den Haag.

Na 'n lang stryd in die land se Eerste divisie, het ADO Den Haag vir seisoene in die Eredivisie gespeel en is weer afgeskuif in die Eredivisie 2006/2007 seisoen. Nietemin, na 'n 6de plek in die 2007-08 seisoen, wen hulle 'n uitspeel wedstryd, wat bevordering na die Eredivisie 2008-09 seisoen tot gevolg gehad het. Die klub se nuwe tuiste is die 15000 sitplek Den Haag Stadion; daar is nog nie 'n amptelike naam vir die stadion nie. Hulle het gewoonlik hulle tuiswedstryde by die Zuiderpark Stadion gespeel; die grond gaan verkoop word vir publieke behuising. Hul kleure is geel en groen en hul gemiddelde tuiswedstryd bywoning in 2005-06 was 6800 toeskouers, een van die laagste in die Eredivisie. Hulle het die 2008-09 seisoen begin met twee oorwinnings, wat hulle vir die eerste keer in 32 jaar aan die bo-punt van die Eredivisie geplaas het.

Nederlandse kampioen (2)

1942, 1943

KNVB-Beker (2)

1968, 1975

(naaswenner (6)

1959, 1963, 1964, 1966, 1972, 1987)

Eerste divisie (2)

1986, 2003

Nota: Vlae toon nasionale spanne aan soos per FIFA toelatingsreëls. Spelers mag meer as een nie-FiFA nasionaliteit besit.

Nota: Vlae toon nasionale spanne aan soos per FIFA toelatingsreëls. Spelers mag meer as een nie-FiFA nasionaliteit besit.

• 👁 Vlag van Oostenryk
  Franz Gutkas (1954–1955)
• 👁 Vlag van Nederland
  Rinus Loof (1955–1962)
• 👁 Vlag van Oostenryk
  Ernst Happel (1962–1969)
• 👁 Vlag van Tsjeggo-Slowakye
  Vaclav Jezek (1969–1972)
• 👁 Vlag van Joego-Slawië
  Vujadin Boškov (1974–1976)
• 👁 Vlag van Tsjeggo-Slowakye
  Anton Malatinský (1976–1978)
• 👁 Vlag van Nederland
  Piet de Visser (1978–1980)
• 👁 Vlag van Nederland
  Hans Kraay (1980–1981)
• 👁 Vlag van Nederland
  Cor van der Hart (1981–1983)
• 👁 Vlag van Nederland
  Rob Baan (1983–1986)
• 👁 Vlag van Nederland
  Pim van de Meent (1986–1988)
• 👁 Vlag van Nederland
  Co Adriaanse (1988–1991)
• 👁 Vlag van Nederland
  Nol de Ruiter (1992–1994)
• 👁 Vlag van Nederland
  Lex Schoenmaker (1994–1995)
• 👁 Vlag van Nederland
  Theo Verlangen (1995–1996)
• 👁 Vlag van Nederland
  Mark Wotte (1996–1998)
• 👁 Vlag van Nederland
  André Hoekstra (1998–1999)
• 👁 Vlag van Nederland
  Rinus Israel (2001–2004)
• 👁 Vlag van Nederland
  Frans Adelaar (2004–2006)
• 👁 Vlag van Nederland
  Lex Schoenmaker (2006–2007)
• 👁 Vlag van Nederland
  Wiljan Vloet (2007–2008)
• 👁 Vlag van Nederland
  André Wetzel (2008–2009)
• 👁 Vlag van Nederland
  Raymond Atteveld (2009–)

^[1]

• (nl) Amptelike webtuiste van ADO Den Haag
• (nl) ADOFans.nl
• (en) ADO-formasies op football-lineups.com^{[dooie skakel]}
• (nl) northside fanside