Die Tetrapoda, of vierpotiges, is 'n superklas van gewerwelde diere wat op land woon. Tetrapoda het vier bene en vier pote. Amfibieë, reptiele, dinosourusse, voëls en soogdiere is almal Tetrapoda. Selfs al het slange nie ledemate het, is hulle ook Tetrapoda, want hulle het van diere met vier ledemate ontwikkel.

Die vroegste Tetrapoda se fossiele word in die Devoon aangetref. Daar is van hulle in Groenland ontdek, maar ook sedert 2018 in Suid-Afrika – Tutusius umlambo is naby Grahamstad gevind.

Die huidige Tetrapoda word tradisioneel as volg onderverdeel:

• Amfibieë
• Reptiele
• Voëls
• Soogdiere

'n Strenger kladistiese klassifikasie op die basis van filogenie is:

• Amphibia; amfibieë (paddas, wurmsalamanders en salamanders)
• Amniota (diere met 'n vlies, die amnion, om hul eiers)
  • Synapsida (die enige oorlewende groep is die soogdiere)
  • Anapsida (die enigste oorlewende groep is die skilpaaie)
  • Diapsida (onder andere dinosourusse, voëls en akkedisse)
    • Archosauromorpha (onder meer dinosourusse, voëls en krokodille)
      • Archosauria
        • Crurotarsi
          • Crocodilia (Krokodilagtiges)
        • Ornithodira (dinosourusse, waaronder die voëls)
    • Lepidosauromorpha (akkedisse, slange, wurmakkedisse en brugakkedisse)