Roger Federer, naixiu de Basilea lo 8 d'agosto de 1981, ye un tenista suizo retirau d'a practica esportiva d'alto livel que ye considerau un d'os millors de toz los tiempos. Estió numero 1 en o ranking ATP, mientres 237 semanas de forma consecutiva,^[1] tamién tien 20 torneos de Grand Slam ganaus, cifra que lo ubica en o tercer puesto per palmarés, nomás superau per lo serbio Novak Djokovic y lo espanyol Rafael Nadal con 24 y 22 Grand Slams ganaus.

Federer estió un chugador versátil, capaz de ganar en tot tipo de pistas y superficies. La suya percepción d'o chuego, unida a la suya facilidat y elegancia lo fació un chugador muito popular entre toz los aficionaus d'o tenis. De choven yera un chugador carente de autocontrol sobretot mientres la suya epoca de junior, posteriorment aconsiguió transformar la suya actitut en a pista pa acabar convertindo-se en un chugador bienqueriu per la suya plasticidat tecnica y amabilidat en cheneral, preba d'ixo ye que estió premiau con o premio Stefan Edberg a la Deportividad en 13 ocasions.