Sally Margaret Field, naixida de Passadena (California, Estaus Unius) o 6 de noviembre de 1946, ye una actriz, cantaire, directora cinematografica, guionista y productora cinematografica estausunidense, activa en o cine estausunidense dende primerías d'os anyos 1960 y con cuantos premios recibius mientres a suya carrera cinematografica. Ye la mai d'o escritor y guionista Peter Craig y d'o director y guionista Eli Craig.

D'entre a suya filmografía, se puet destacar as suyas interpretacions en bellas cintas como Smokey and the Bandit (1977, Hal Needham), Norma Rae (1979, Martin Ritt), Absence of Malice (1981, Sydney Pollack), Kiss Me Goodbye (1982, Robert Mulligan), Places in the Heart (1984, Robert Benton), Murphy's Romance (1985, Martin Ritt), Steel Magnolias (1989, Herbert Ross), Forrest Gump (1994, Robert Zemeckis), u Lincoln (2012, Steven Spielberg).

L'actriz Field recibió un premio Oscar a la Millor Actriz en 1979 por a suya interpretación de Norma Rae Webster en a cinta Norma Rae, dirichita por Martin Ritt. En 1984 recibió o suyo segundo Oscar a la Millor Actriz por o suyo papel de Edna Spalding en Places in the Heart, una cinta dirichita por Robert Benton.

• Cintas interpretadas por Sally Field.

• 👁 Colabora en Commons
  Se veigan as imáchens de Commons sobre Sally Field.
• (en) Sally Field en Internet Movie Database.
• (en) Sally Field en AllRovi.
• (en) Sally Field en Turner Classic Movies.