Voivodina ye una rechión actualment situada en Serbia a lo norte d'o Danubio creyada como rechión autonoma por Tito y que perdió l'autonomía en o proceso de descomposición de Yugoslavia y formación d'un estau serbio independient. A mayor part d'a suya población ye serbia y hongara, con presencia de muitas atras minorías etnicas.

A lo norte d'o Save de d'o Danubio i heba serbios refuchiaus dimpués d'a contraofensiva turca de 1689.

En 1848 i habió una revolución en Hongría. En mayo o metropolitano de Karlovci fació aplegar un parlamento serbio sabor que decidió a creyación d'una voivodina que incluiba Sirmia, Batchka y Banato y puyó a lo metropolitano a lo grau de patriarca.

L'emperador Francisco Chusé reconoixió esta promoción pa proclamar-se voivot en marzo de 1849. En 1860 a Voivodina fue suprimida, Sirmia fue unida a Croacia-Eslavonia y Batchka y lo Banato a Hongría. Dimpués d'a supresión d'os Confins militars en 1872-1878) os serbios de l'imperio perdioron os suyos privilechios por no tener garra estatuto especifico y muitos d'ellos emigroron ta Estaus Unius.

En 1946 se creyó a rechión autonoma d'a Voivodina pa reconoixer a presencia d'as suyas minorías.