VOOZH about

URL: https://ast.wikipedia.org/wiki/Atanaricu

⇱ Atanaricu - Wikipedia

Saltar al conteníu
De Wikipedia
Atanaricu👁 Image
👁 Image
Xuez de los Tervinxos

365- 376
← Geberic (en) 👁 Traducir
 - Alavivu →
Vida
Nacimientu 318
Muerte Constantinopla,25 de xineru de 381 (62/63 años)
Familia
Padre Aoric
Fíos/es
Hermanos/es Rothesteus (en) 👁 Traducir
Pueblu Balti dynasty (en) 👁 Traducir
Oficiu
Oficiu soberanu,xefe tribal
👁 Cambiar los datos en Wikidata

Atanaricu (318–25 de xineru de 381,Constantinopla), fíu d'Aoricu, foi xuez de los tervinxos y otres tribus confederaes, y los visigodos considerábenlu como'l so rei fundador.[1]

El significáu de Aþanareiks ye «rei del añu» (aþnin=añu y reiks=rei).

Atanaricu sofitó al usurpador Procopiu frente al emperador Valente, a pesar de les derrotes godes y la devastación nel territoriu godu, l'emperador taba primíu polos perses, y dambos alcordaron la paz en 369 pola que los tervinxos dexaron de pagar tributu a los romanos.[2]

El mandatu del xuez taba llendáu nel tiempu y tuvo d'anovase dacuando dende 365. El mandatu d'Atanaricu pudo amenaciar tanto a l'aristocracia tervinxa como a los romanos. D'equí resultó que Fritixernu alzóse como'l so rival, y pa consiguir el sofitu de Valente, fíxose cristianu arrianu.[3] Munchos tervinxos convirtiéronse al arrianismu mientres los sieglos III y IV, pero Atanaricu siguió calteniendo l'antigua relixón pagana de los xermanos porque consideraba que'l cristianismu socavaría les tradiciones gótiques.[4]

Cola invasión de los hunos, les midíes defensives tomaes por Atanaricu amosáronse ineficaces frente a los hunos y el xuez tervinxu perdió en 376, lo que llevó a la devastación del territoriu y terminó cola institución del xuez tervinxu. La mayoría de los tervinxos desertaron d'Atanaricu y empobinaos por Fritixernu y Alavivu foron almitíos por Valente nel Imperiu,[5][6] pero Alavivu ye mentáu como'l líder de los tervinxos per delantre de Fritixernu, posiblemente porque tendría la más alta posición aristocrática.[6] Los tervinxos que permanecieron fieles a Atanaricu abellugáronse nos Cárpatos (Caucalandia).

Por cuenta d'una combalechadura socatrada por Fritixernu, espulsaron a Atanaricu de Caucalandia y sometióse al emperador. Foi recibíu pol mesmu emperador Teodosiu I poco primero de morrer el 25 de xineru de 381.[7]

Ver tamién

[editar | editar la fonte]

Referencies

[editar | editar la fonte]
  1. ↑ Wolfram, Herwig(1990). History of the Goths.University of California Press,páx. 64. ISBN 9780520069831.
  2. ↑ Frassetto, Michael(2003). [https://books.google.es/books?id=yW-GfElbafQC&lpg=PA44&dq=&hl=es&pg=PA45v=onepage&q=&f=false Encyclopedia of barbarian Europe: society in transformation].ABC-CLIO,páx. 45. ISBN 9781576072639.
  3. ↑ Wolfram, Herwig(1990). History of the Goths.University of California Press,páx. 64. ISBN 9780520069831.
  4. ↑ Wolfram, Herwig(1990). History of the Goths.University of California Press,páx. 69. ISBN 9780520069831.
  5. ↑ Frassetto, Michael(2003). [https://books.google.es/books?id=yW-GfElbafQC&lpg=PA46&dq=&hl=es&pg=PA46v=onepage&q=&f=false Encyclopedia of barbarian Europe: society in transformation].ABC-CLIO,páx. 46. ISBN 9781576072639.
  6. 1 2 Wolfram, Herwig(1990). History of the Goths.University of California Press,páx. 72. ISBN 9780520069831.
  7. ↑ Wolfram, Herwig(1990). History of the Goths.University of California Press,páx. 73-74. ISBN 9780520069831.

Enllaces esternos

[editar | editar la fonte]
Predecesor:
Xebericu		 Xuez de los Tervinxos
365-376		 Socesor:
Alavivu
Control d'autoridaes
Categoríes:
Categoríes anubríes: