VOOZH about

URL: https://ast.wikipedia.org/wiki/Billy_Wilder

⇱ Billy Wilder - Wikipedia

Saltar al conteníu
De Wikipedia
Billy Wilder👁 Image
👁 Image
Vida
Nacimientu Sucha Beskidzka (en) 👁 Traducir
,22 de xunu de 1906[1]
Nacionalidá 👁 Bandera de Estaos Xuníos d'América
 Estaos Xuníos
👁 Bandera de Austria
 Austria
👁 Bandera de Imperiu austrohúngaru
 Imperiu austrohúngaru
Muerte Beverly Hills,27 de marzu de 2002[1] (95 años)
Sepultura Cementeriu Westwood Village Memorial Park
Causa de la muerte neumonía
Familia
Hermanos/es W. Lee Wilder (en) 👁 Traducir
Estudios
Estudios Universidá de Viena
Llingües falaes alemán
inglés[2]
Oficiu
Oficiu guionista, direutor de cine, productor de cine, escritor, periodista, realizador, productor,guionista de cine
Trabayos destacaos Double Indemnity
Sunset Boulevard
Ace in the Hole
Stalag 17
Sabrina
The Seven Year Itch
Witness for the Prosecution
Some Like It Hot
The Apartment
The Fortune Cookie
Premios
ver
Nominaciones
ver
Miembru de Writers Guild of America West
IMDb nm0000697
👁 Cambiar los datos en Wikidata
👁 Image
Billy Wilder.

Samuel Wilder (22 de xunu de 1906,Sucha Beskidzka(en)👁 Traducir
–27 de marzu de 2002,Beverly Hills), más conocíu como Billy Wilder, foi un direutor de cine d'Estaos Xuníos d'orixe austriacu. Ñació en Sucha, nel entóncenes Imperiu Austrohúngaru.

Wilder pasó la so infancia y la so xuventú n'Austria. El so primer trabayu foi como cronista nel periódicu austriacu Juranek. Continuó trabayando como cronista en Berlín, teniendo qu'alternar esta ocupación con otres pa sobrevivir. Ellí aficionóse al cine, tres ver delles películes que lu impresionaron fonderamente. Una d'elles foi L'acorazáu Potemkin, de Sergei Eisenstein. Entró a trabayar pa la UFA onde conoció a los grandes direutores del momentu.

Tres l'ascensu al poder de Hitler, Wilder viose obligáu a abandonar Berlín, debío a la so ascendencia xudía. So ma morrería nos campos de concentración d'Auschwitz. Tuvo en París y, dende ellí, en 1934 treslladóse a Estaos Xuníos, xunto al actor Peter Lorre. Wilder y Lorre compartieron apartamentu, fame y momentos perabegosos demientres una temporada. Ellí entamó a trabayar como guionista pa la Paramount, y tuvo la ocasión de collaborar con Ernst Lubitsch, el so gran maestru. El día del so entierru dixo: "Quedamonos ensin Lubitsch. Peor entá, quedamonos ensin les películes de Lubitsch".

De magar llegó a Hollywood en 1933, Wilder siguió la so carrera como guionista. Convirtióse en ciudadanu d'Estaos Xuníos en 1934. El primer éxitu de Wilder foi Ninotchka, una collaboración con otru inmigrante alemán, Ernst Lubitsch. Estrenada en 1939, esta enlloquecida comedia tuvo como protagonista a Greta Garbo (xeneralmente conocida como una heroína tráxica nel cine melodramáticu), y foi aclamada pola crítica y el públicu. Nesa llinia, Garbo Laughs!, llevó la carrera de Garbo nuna nueva direición. La película tamién supuso la primera nominación de Wilder a los Premios Óscar. Durante doce años Wilder co-escribió munches de les sos películes con Charles Brackett, dende 1938 a 1950. A Ninotchka, siguióla una riestra d'éxitos de taquilla, Hold Back The Dawn, Ball of Fire, asina como la so ópera prima como direutor, The Major and the Minor.

Como guionista, Wilder escribió 60 películes. Como direutor, realizó 26 películes. Foi gallardoniáu con siete Óscar tres ser nomáu en 21 ocasiones.

En 1981 dirixó la so cabera película, Equí, un collaciu. De magar entós les compañíes aseguradores yá nun queríen asegurar películes suyes debío a la so avanzada edá. Morrió 21 años más sero a la edá de 95 años na so residencia de Beverly Hills, por mor d'una neumonía.

Nuna entrevista espublizada en 1952 Wilder enumeró les sos diez películes favorites:

  1. L'acorazáu Potemkin (Sergei Eisenstein) (1925)
  2. Fuñeria (Erich von Stroheim) (1923)
  3. Varieté (Charles Dupont) (1925)
  4. La quimera l'oru (Charles Chaplin) (1924)
  5. Y el mundiu marcha (King Vidor) (1928)
  6. La gran ilusión (Jean Renoir) (1937)
  7. El delator (John Ford) (1935)
  8. Ninotchka (Ernst Lubitsch) (1939)
  9. The Best Years of Our Lives (William Wyler) (1946)
  10. Ladri di biciclette (Vittorio de Sica) (1948)

Filmografía como direutor

[editar | editar la fonte]

Referencies

[editar | editar la fonte]
  1. 1 2 Afirmao en: Gemeinsame Normdatei. Identificador GND: 118632795. Data de consulta: 15 ochobre 2015. Llingua de la obra o nome: alemán. Autor: Biblioteca Nacional d'Alemaña.
  2. ↑ Afirmao en: autoridaes BNF. Identificador BnF: 12174555p. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
  3. 1 2 URL de la referencia: https://www.oscars.org/oscars/ceremonies/1946.
  4. ↑ URL de la referencia: https://www.oscars.org/oscars/ceremonies/1951.
  5. 1 2 3 URL de la referencia: https://www.oscars.org/oscars/ceremonies/1961.
  6. ↑ URL de la referencia: https://www.europeanfilmacademy.org/European-Film-Awards-Winners-1992.81.0.html. Data de consulta: 8 avientu 2019. Direición web d'archivu: https://web.archive.org/web/20181229031351/https://www.europeanfilmacademy.org/European-Film-Awards-Winners-1992.81.0.html.
  7. ↑ URL de la referencia: https://www.goethe.de/resources/files/pdf290/liste_preistraegerinnen_goethe-medaille_1955-20222023.pdf.
  8. ↑ URL de la referencia: https://www.oscars.org/oscars/ceremonies/1940.
  9. 1 2 URL de la referencia: https://www.oscars.org/oscars/ceremonies/1942.
  10. ↑ URL de la referencia: https://www.oscars.org/oscars/ceremonies/1945.
  11. ↑ URL de la referencia: https://www.oscars.org/oscars/ceremonies/1949.
  12. ↑ URL de la referencia: https://www.oscars.org/oscars/ceremonies/1952.
  13. ↑ URL de la referencia: https://www.oscars.org/oscars/ceremonies/1955.
  14. ↑ URL de la referencia: https://www.oscars.org/oscars/ceremonies/1960.
  15. ↑ URL de la referencia: https://www.oscars.org/oscars/ceremonies/1967.

Enllaces esternos

[editar | editar la fonte]
Categoríes:
Categoríes anubríes: