Burbank, fundada en 1887, ye una ciudá del condáu de Los Angeles nel estáu norteamericanu de California. Nel añu 2007 tenía una población de 107.921 habitantes y una densidá poblacional de 2,239.4 persones per km².

Burbank atópase na rexón oriental del Valle de San Fernando, al norte del centru de Los Angeles.

Conocida como "Capital Mundial de los Medios", munchos medios y compañíes d'entretenimientu tienen la so sede o tienen importantes instalaciones de producción en Burbank, incluyendo Warner Bros. Entertainment, NBC Universal, The Walt Disney Company, Nickelodeon, DC Entertainment, ABC Network, Cartoon Network, Teletoon, y a una milla esta Universal Studios.

Mientres un tiempu yera conocida como'l "Bellu Centru de Burbank" nos programes Laugh-In y el The Tonight Show Starring Johnny Carson. Tamién ye la ciudá de nacencia del direutor de cine y artista Tim Burton.

Anque comúnmente créese que'l nome vien del horticulturista Luther Burbank que vivió una vegada en Santa Rosa, California, la ciudá llámase asina por David Burbank, un dentista y empresariu de New Hampshire.^[1]

Burbank atópase allugada nes coordenaes 34°10′49″N 118°19′42″W / 34.18028°N 118.32833°O / 34.18028; -118.32833. Según la Oficina del Censu, la ciudá tien un área total de 45 km², de la cual la mayoría ye tierra firme y namái un 0.12% ye agua.

Según la Oficina del Censu en 2000 los ingresos medios por llar na llocalidá yeren de $62,347, y los ingresos medios por familia yeren $67,767. Los homes teníen unos ingresos medios de $41,792 frente a los $35,273 pa les muyeres. La renta per cápita pa la llocalidá yera de $25,713. Alredor del 10.5% de la población taben per debaxo del estragal de probeza.^[2]

El Distritu Escolar Unificáu de Burbank xestiona escueles públiques.

Les ciudaes hermaniaes con Burbank son:

• Paterna (👁 Image
  España)
• Solna (👁 Bandera de Suecia
  Suecia)
• Ota (👁 Bandera de Xapón
  Xapón)
• Incheon (👁 Bandera de Corea del Sur
  Corea del Sur)
• Gaborone (👁 Bandera de Botsuana
  Botsuana)

• Persones deBurbank

• Brief History of Burbank, California (Burbank Chamber of Commerce, 1961)
• Of Men and Stars, A History of Lockheed Aircraft Corporation (Lockheed Aircraft Corporation, 1957-1958)
• Ranchos de Los Santos, The Story of Burbank (The Burbank Branch of the Security Trust and Savings Bank, 1927)
• The Story of Burbank from Her Eventful Pioneer Days (The Magnolia Park Chamber of Commerce, 1954)
• Your Burbank Home (Burbank Merchant's Association, 1928)

• 👁 Image
  Wikimedia Commons acueye conteníu multimedia sobreBurbank.

• 👁 Image
  Sitiu web oficial (n'inglés)

• 👁 Image
  Burbank n'OpenStreetMap.
• City of Burbank - official (n'inglés)
• Burbank Unified School District (n'inglés)
• Burbank Chamber of Commerce (n'inglés)