En física, la calor^[1] ye una mena d'enerxía asociao al movimientu de los átomos, molécules y otres partícules qu'ensamen la materia. La calor pue ser xenerao por reaiciones químiques (como na combustión), nucleares (como na fusión nuclear de los átomos d'hidróxenu que tienen llugar nel interior del Sol), disipación lletromagnética (como nos fornos de microondes) o por disipación mecánica (esfriega). El so conceutu ta xuníu al Principiu Cero de la Termodinámica, según el cual dos cuerpos en contautu intercambeen enerxía hasta que la so temperatura s'equillibre. La calor pue transferise ente oxetos por desemeyaes víes, ente les que hai de solliñar la radiación, la conducción y la convección, magar que na mayoría de los procesos reales tolos mecanismos anteriores alcuéntrense presentes en mayor o menor grau.

La calor que pue intercambear un cuerpu col so alrodiu depende del tipu de tresformación que se faiga sobro esi cuerpu y poro, depende del camín. Los cuerpos nun tienen calor, sinón enerxía interno. La calor ye la tresferencia de parte de tala enerxía interno (enerxía térmica) d'un sistema a otru, cola condición de que tean a diferente temperatura.

• Física
• Termodinámica
• Conducción de calor
• Teoría calórica

• 👁 Image
  Wikimedia Commons acueye conteníu multimedia sobreCalor.