La culiebra ye un animal reptil de sangre frío, que forma l'orde Squamata, los cualos orixináronse nel periodu Cretácicu.

Les culiebres tan cenciellamente especializaes na llocomoción ensin pates, y la deglución de grandes mases d'alimentos. Son asemeyaes a los llagartos nos munchos aspeutos y ambos dixebraos d'otros grupos de reptiles, tando les dos especies integraes nos reptiles escamosos. Nun tienen párpagos, nin abertures auditives esternes, nin miembros pa la llocomoción y la so cadarma tien munches vértebres algamando grandes tamaños dalgunes como l'anaconda puen llegar a los 10 metros, delles tienen velenu qu'usen pa matar a les sos preses.

Toes elles son carnívores y traguen les sos preses enteres frayando los güesos pa dixeriles meyor, alimentándose d'animales pequeños, aves, inseutos y tamién dalgunes otres culiebres. Ello ye gracies a mandíbules inferiores mui flexibles, que les dos metaes nun s'alcuentren xuníes ríxidamente. Dempués de xintar, les culiebres alletárguense demientres el procesu de dixestión.

Les culiebres alcuéntrense estendies per tol mundiu, quitando les rexones polares, na islla d'Irlanda y delles islles oceániques. Hai unes 3.000 especies conocíes, que tan agrupaes cenciellamente en nueve families.

• Acrochordidae
• Aniliidae
• Anomalepididae
• Anomochilidae
• Atractaspididae
• Boidae
• Bolyeriidae
• Colubridae
• Cylindrophiidae
• Elapidae
• Hydrophiidae
• Leptotyphlopidae
• Loxocemidae
• Pythonidae
• Tropidophiidae
• Typhlopidae
• Uropeltidae
• Viperidae
• Xenopeltidae

• 👁 Image
  Wikimedia Commons acueye conteníu multimedia sobreCuliebra.