August Heinrich Rudolf Grisebach (17 d'abril de 1814,Hannover–9 de mayu de 1879,Göttingen) foi un botánicu y fitoxeógrafu alemán.

Grisebach estudió nel Llicéu de Hannover, na escuela del conventu d'Ilfeld y na Universidá de Göttingen. Graduóse en medicina na Universidá de Berlín en 1836.

Realizó espediciones a Provenza, Turquía, los Balcanes y Noruega. En 1837 convirtióse en profesor asociáu y en 1847 en profesor titular na facultá de medicina de Göttingen, y en 1875 foi nomáu direutor del Xardín Botánicu Vieyu de la Universidá de Göttingen.

Anque los sos campos principales d'interés yeren la fitoxeografía y la sistemática, especialmente les families Gentianaceae y Malpighiaceae, consideraba la so obra Flora of the British West Indian Islands como la más importante.

Gran parte de la so coleición, especialmente los tipos d'especies descrites por él, caltiénse nel Yerbariu de la Universidá de Göttingen.^[5] La so clasificación taxonómica ta espresada na obra Grundriss der systematischen Botanik (1854).

Casó con Evelyne Henriette Reinbold, cola que tuvo dos fíos, Eduard y Hans. Eduard foi escritor, abogáu y diplomáticu.

L'abreviatura Griseb. emplégase pa indicar a August Grisebach como autoridá na descripción y clasificación científica de los vexetales.(consulta la llista de tolos xéneros y especies descritos por esti autor nel IPNI).

• 👁 Image
  Wikimedia Commons acueye conteníu multimedia sobreAugust Grisebach.