John Lindley (5 de febreru de 1799,Old Catton–1 de payares de 1865,Turnham Green^(en)👁 Traducir
) foi un paleontólogu, naturalista y botánicu británicu.

El so padre, George Lindley, que regenteaba un xardín-viveru, foi l'autor de A Guide to the Orchard and Kitchen Garden (Una guía pa güertos y xardinos).

Fai los sos estudios na Escuela de Gramática de Norwich y traduz, en 1819, siendo la so primer publicación, el Analyse du fruit (L'analís del frutu) del botánicu francés Louis Claude Marie Richard (1754-1821). Al añu siguiente 1820, publica la Monographia Rosarum onde describe nueves especies y qu'él mesmu ilustra.

En 1821 contribuyó con dos trabayos: Monographia Digitalium, y Observations on Pomaceae a la Sociedá linneana de Londres.

Establezse pocu dempués en Londres onde trabaya como emplegáu para John Claudius Loudon (1783-1843) pa redactar les partes descriptives de Encyclopaedia of Plants (Enciclopedia de la Plantes). Mientres esti trabayu, que publica en 1829, vuélvese un convencíu de la superioridá del sistema natural d'Antoine Laurent de Jussieu (1748-1836) con rellación al sistema emplegáu por Carlos Linneo (1707-1778).

El so convencimientu tomó una forma más definida en A Synopsis of British Flora, arranged according to the Natural Order (Una Sinopsis de la Flora Británica, clasificación d'alcuerdu al Orde Natural) (1829) y en An Introduction to the Natural System of Botany (Una Introducción al Sistema Natural de la Botánica) (1830).

En 1829, Lindley llogra la cátedra de Botánica nel University College de Londres, yá que caltién hasta 1860. En 1822, ye nomáu secretariu de la Sociedá d'horticultura. Lindley ye gallardoniáu de la Royal Medal en 1857.

Lindley da conferencies a partir de 1831 na Royal Institution y a partir de 1836 nel Xardín Botánicu de Chelsea.

Lindley ye l'autor de numberoses obres y artículos, tanto científicos como vulgarizadores. Contribúi frecuentemente al Botanical Register. Participa na fundación de la revista Gardener's Chronicle siendo'l so primer editor. Ocúpase tamién de la seición consagrada a la horticultura.

L'abreviatura Lindl. emplégase pa indicar a John Lindley como autoridá na descripción y clasificación científica de los vexetales.(consulta la llista de tolos xéneros y especies descritos por esti autor nel IPNI).

• Llista de botánicos pola abreviatura del autor
• botánicos y epónimos

• «John Lindley»,Índiz Internacional de Nomes de les Plantes (IPNI), Real Xardín Botánicu de Kew, Herbariu de la Universidá de Harvard y Herbariu nacional Australianu (eds.), http://www.ipni.org/ipni/authorsearch?id=22383-1&query_type=by_id&output_format=object_view.

• 👁 Image
  Wikimedia Commons acueye conteníu multimedia sobreJohn Lindley.
• «John Lindley». en Find a Grave. (n'inglés)

• Science History of Palaeobotany and Renowned Palaeobotanists