Nómase mur^[1], ratu^[2] o ratón^[3] a delles especies de pequeños royedores del xéneru Mus y otros xéneros rellacionaos de múridos (Muridae, mures del Vieyu Mundiu).

Hai 38 especies distintes del xéneru Mus. La que más abonda ye'l mur común (Mus musculus), nomáu cenciellamente "Mur" polos non especialistes.

El mur común pue alcontrase en práuticamente tolos países del mundiu. Parez ser que'l mur caseru ye orixinariu d'Oriente Mediu y Suroeste de Rusia, d'au s'estendió hai alrodiu de 8.000 años, siguiendo les rutes humanes del trigu y de los mercaderes d'oriente, adautándose n'abondos climas.

Esta especie utilízase na investigación de llaboratorios, especialmente, la variedá albina. Tamién ye popular comu mascota. La vida media d'ún mur na natura ye de namái 3 meses, sobro too débese a la depredación de gatos, perros xabazes, curuxes ya culiebres; magar qu'en llaboratoriu algamen davezu la edá de dos años. Puede habitar nes cases y vive en rellación de comensalismu colos homes. Tamién puen ser responsables de gafures enforma dañibles, arruchando colleches y espardiendo malures pola mor de los sos parásitos ya escrementos.

• Ratón (informática)

• 👁 Image
  Wikimedia Commons acueye conteníu multimedia sobreMus.