El códigu OKATO (rusu: Общеросси́йский классифика́тор объе́ктов администрати́вно-территориа́льного деле́ния, ОКАТО; n'asturianu "Clasificación rusa d'oxetos de división alministrativa y territorial") ye unu de los rexistros nacionales de Rusia. El propósitu del OKATO ye organizar la información sobre la estructura de les divisiones alministratives de los suxetos federales de Rusia.

El documentu asigna códigos numéricos a cada división alministrativa del país, estructuraos de manera xerárquica dende'l nivel de suxetu federal hasta'l nivel de selsoviet. Una versión ampliada inclúi tamién llistes de les llocalidaes habitaes dientro de cada división alministrativa.

El códigu OKATO úsase con fines estadísticos y fiscales. Adoptóse'l 31 de xunetu de 1995, sustituyendo al SOATO (Sistema de designación d'oxetos de división alministrativa de la Xunión de Repúbliques Socialistes Soviétiques y les repúbliques de la xunión, amás de les llocalidaes habitaes). Entró a valir el 1 de xineru de 1997 y hasta 2014 sufrió 243 revisiones. La compilación y caltenimientu de los datos OKATO son responsabilidá del Serviciu Estatal d'Estadística de la Federación Rusa (Rosstat).

• Códigos de división alministrativa de la República Popular China, un sistema asemeyáu usáu na República Popular China (solo hasta nivel de condáu).^[1]
• OKTMO, Clasificación Rusa de Territorios de Divisiones Municipales.