Sanremo (ligurSanremu) ye una ciudá de 52 787 habitantes (1 xineru 2023)^[1] asitiada na mariña mediterránea de Liguria Occidental, na zona noroeste d'Italia, sobre'l golfu de Xénova.

Sanremo, que ye un destacáu centru turísticu, ye conocíu pol so mercáu de flores y el so puertu pesqueru. Ente los sos monumentos destaca la catedral de San Siro, construyida nel sieglu XIII. Cada año, acueye un festival de cantares melódicos conocíu como Festival del Cantar de Sanremo y el Rally de Sanremo, una carrera d'automovilismu que formaba parte del Campeonatu Mundial de Rally enantes de ser camudáu pol Rally de Cerdeña. Ye, amás, la llegada de la clásica carrera ciclista Milán-Sanremo, prueba de la Copa'l Mundu de ciclismu. Añalmente, tamién se celebra l'eventu del EPT de Sanremo, u los meyores xugadores de póquer del mundu danse cita nel so casinu.

Del 19 al 26 d'abril de 1920 Sanremo foi sede de la conferencia aliada tres la Primer Guerra Mundial. Ye, amás, la ciudá na que morrió Ignacio Manuel Altamirano en 1893 y Alfred Nobel en 1896, y u se suicidó en 1967 el cantante Luigi Tenco. Ye de destacar qu'en Sanremo escuéyense les flores pal Conciertu d'Añu Nuevu de Viena que tien llugar cada 1 de xineru nel famosu Musikverein de Viena.

• 👁 Image
  Wikimedia Commons acueye conteníu multimedia sobreSanremo.

• 👁 Image
  Sitiu web oficial (n'italianu)

• 👁 Image
  Sanremo n'OpenStreetMap.