La plata ye un elementu químicu de númberu atómicu 47 y símbolu Ag, allugáu nel grupu 11 de la tabla periódica de los elementos. El so nome vien del llatín plattus ('planu', 'llanu', y posteriormente 'llámina metálica'), que na Península Ibérica'l términu especializóse pa pasar a referise al metal. El símbolu de la plata provién del llatín argentum, el nome orixinal del metal nesa llingua.

Ye un metal de transición blancu y rellucente. Presenta les mayores conductividaes térmica y llétrica de tolos metales, y alcuéntrase formando parte de distintos minerales (xeneralmente en forma de sulfuru) o como plata llibre. Ente les sos variaes aplicaciones, esti metal emplégase na fabricación de monedes, xoyería, como catalizador, etc., dalgunes de les sos sales úsense en fotografía y radioloxía y nos vidrios de los vehículos en forma de nitratu de plata yá que presenta un efeutu fotocrómicu. En lletricidá y lletrónica tien un usu creciente.

• (castellán) ATSDR - ToxFAQs™
• (castellán) Institutu Nacional de Seguridá y Hixene nel Trabayu d'España: Ficha internacional de seguridá química de la plata
• (n'inglés) EnvironmentalChemistry.com
• (n'inglés) WebElements.com