|

Si Li Bai (Intsik:李白; pinyin:Lǐ Bái) (c. 701-762) asin inapod man kan saiyang kortesiyang pangaran na Taibai (太白) sar4ong Tsinong pararawit na minimidbid na saro sa pinakamahusay asin pinakaimporetanteng poeta panahon kan dinastiyang Tang, asin pa ngani kahiwasan kan rawitdawit. Siya asin saiyang mga amigo arog ki Du Fu (712–770) iyo an mga prominenteng pigura sa marambong na Tsinong rawitkan dinastiyang Tang., na binansagan "Golden Age of Chinese Poetry". An nginungusong ekspresyon na "Tolong Ngangalasan" pakahulogan kan rawit ni Li VBai, swordplay ni Pei Min, asin kaligrapiya ni Zhang Xu.^[1]

Mga 1,000 rawitdawit na ki Li an nasasaray pa. An saiyang mga poesya natitipon sa pinakaimportanteng katiponan kan dinastiyang Tang, an Heyue yingling ji,^[2] pinagdamot kan 753 ni Yin Fan. Tolong polo may apat (34) kan mga rawit ni Li Bai an nakabali sa antolohiyang Three Hundred Tang Poems, na enot napublikar kan ika-18ng siglo.^[3]Plantilya:Rs Sa siring na mga panahon, mga pagpalis kan saiyang mga rawit nagpoon nang magbutwa sa Europa. Sa bantogan na obra ni Ezra Ezra's Pound Cathay (1915), an mga rawitdawit ni Li Bai iyo an nangawat na gayo (11 sa nakaag na 19).^[4]

An mgartawit ni Li Bai nagin arogan modelo sa mga selebrasyon sa kaogmahan nin pag'aramigo, rarom nin katalagahan, pagsosolo-solo, asin sa kaurugmahan sa irinoman. Sa tahaw kan mga nababantog, an "Waking from Drunkenness on a Spring Day" (Chinese: 春日醉起言志), "The Hard Road to Shu" (Chinese: 蜀道难),^[5] "Bring in the Wine" (Chinese: 将进酒),^[6] asin "Quiet Night Thought" (Chinese: 静夜思), iyo an pigtutukdo pa sa mga eskwelahan sa Tsina. Sa Sulnopan, multilingual na pagpapalis kan mga rawitdaweit ni Li dagos na ginigiribo. An buhay pa ngani niya nagbabado na nin mala-espiritung aspeto, kabarali na an mga istorya nin paglalango' asin pagkakabalyero, asin siring kan urusipon na si Li burat-burat, nalamos kan siya gumina'wal sa baroto ta pig'aabot an anino kan bulan sa salog.