An Argenon (Arguenon e galleg) zo ur stêr e reter Aodoù-an-Arvor, e hanternoz Breizh. 53,4 km a hirder dezhi.

Er Menez emañ hec'h eienenn, e parrez Gorre. E bae Argenon en em daol ar stêr e mor Breizh, etre Itron-Varia-ar-Gwildoù ha Krehen, nepell diouzh ar c'hastell. A-raok ma voe savet ur pont eno e oa ur roudour hepken evit tremen eus an eil ribl d'egile. E-leizh a goñchennoù a oa neuze diwar-benn al lec'h tremen souezhus-se, etre eskopti Sant-Brieg ha hini Sant-Maloù.
Gant ar chal ez a doureier ar mor dre aber an Argenon betek kêr Blangoed a-wechoù, ha neuze e sav eon gwenn war c'horre ar stêr. Hervez tud ar vro^{(Daveoù a vank)} e vefe bet anvet ar stêr Ar Gwenn Eon en abeg da se.

• Roll stêrioù pennañ Breizh
• Roll stêrioù Breizh renket hervez o hirder‎