Tref ar arfordir yn Nwyrain Sussex, De-ddwyrain Lloegr, ydy Hastings.^[1] Fe'i lleolir yn ardal an-fetropolitan Bwrdeistref Hastings, ac i bob pwrpas mae gan y dref yr un ffiniau â'r ardal.

Yng Nghyfrifiad 2011 roedd gan ardal adeiledig Hastings boblogaeth o 91,053.^[2]

Yn y gorffennol bu'n borthladd pwysig, yn un o'r Pum Porthladd (Cinque Ports). Heddiw mae'n dref breswyl yn bennaf.

Ymladdwyd Brwydr Hastings ar 14 Hydref 1066 tua 11 km (7 mi) i'r gogledd-orllewin o'r dref, ger tref Battle. Lladdwyd Harold II o Loegr a daeth arweinydd y Normaniaid, Gwilym, Dug Normandi, yn frenin Lloegr yn ei le. Yn ddiweddarach cododd Gwilym gastell yn Hastings, sydd bellach yn adfail.

Mae Caerdydd 271.1 km i ffwrdd o Hastings ac mae Llundain yn 86.8 km. Y ddinas agosaf ydy Brighton sy'n 50.1 km i ffwrdd.

• Dordrecht, Yr Iseldiroedd [1]
• Schwerte, Yr Almaen [2]
• Oudenaarde, Gwlad Belg [3]
• Béthune, Ffrainc [4]