Actor o Gymru yw Mark Lewis Jones (ganwyd 31 Awst 1964), mae ei rannau yn cynnwys chwarae arolygydd heddlu yng nghyfres ddrama'r BBC 55 Degrees North, pysgotwr morfilod yn y ffilm Master and Commander: The Far Side of the World, y milwr Tecton yn Troy, Rob Morgan yn y gyfres Stella a Chapten Moden Canady yn Star Wars: The Last Jedi.

Ganwyd Mark Lewis Jones yn Rhosllannerchrugog, Wrecsam, Dechreuodd actio yn ei arddegau gyda Theatr Ieuenctid Clwyd^[1] ac fe'i hyfforddwyd yng Ngholeg Brenhinol Cerdd a Drama Cymru.^[2] Mae wedi actio gyda'r Royal Shakespeare Company,^[3] ac yn Theatr y Glôb Shakespeare yn Llundain.

Mae Lewis Jones wedi gwneud ymddangosiadau nodedig yn nifer o gynyrchiadau teledu yn cynnwysThis Life, Holby City, Spooks, Murphy's Law, Waking the Dead a Torchwood. Efallai mai ei ran fwyaf sylweddol ar y BBC oedd Ditectif Arolygydd Russell Bing yn y gyfres ddrama 55 Degrees North lle'r oedd yn chwarae swyddog heddlu gyda barn gref ddi-flewyn-ar-dafod ond doniol ar adegau, mewn cyfres gymhleth wedi ei chrefftio yn gywrain.

Fe chwaraeodd heddwas arall, Ditectif Sarjant Ray Lloyd yn y ddrama heddlu Murder Prevention.^[4] Dau o'i rannau enwocaf mewn ffilmiau mawr Hollywood oedd Hogg the Whaler yn Master and Commander: The Far Side of the World, a Tecton, milwr yn Troy.^[5]

Yn 2001 fe bortreadodd Uther Pendragon, ail wr Igraine yn y gyfres deledu Americanaidd The Mists of Avalon. Ar S4C, roedd yn chwarae rhan Irfon yn Con Passionate, Josi yn Calon Gaeth gan Sian James,^[6] Bryan Jones yn Y Pris a John Bell yn Y Gwyll^[7]

Yn 2009 roedd yn westai arbennig ar gystadleuaeth BBC Canwr y Byd Caerdydd, darlledwyd ar BBC Two (Cymru yn unig).

Ar 28 Gorffennaf 2009 roedd yn arweinydd gweithdy yn yr Actors' Cut ^[8] yng Nghaerdydd.

Ef oedd Llywydd yr Ŵyl yn Eisteddfod Genedlaethol Wrecsam 2025.^[9]

• Lord Grey and Henry (Earl of Richmond), Richard III, Royal Shakespeare Company, Llundain, 1993
• Leontes, The Winter's Tale, Globe Theatre, Llundain, 1997
• Milantius, The Maid's Tragedy, Globe Theatre, 1997
• Mark Antony, Julius Caesar, Globe Theatre, 1999
• Taurus, Diomedes, and Sextus Pompeius, Antony and Cleopatra, Globe Theatre, 1999
• Ymddangosod fel Billy, Cardiff East, fel Willy Nilly, Under Milk Wood, a fel Bonario, Volpone, i gyd yn y National Theatre, Llundain; fel Costard, Love's Labour's Lost, fel Lorenzo, The Merchant of Venice, a fel Ferdinand, The Tempest, i gyd gyda'r Royal Shakespeare Company, Stratford-upon-Avon, England; fel Tristram, Morte d'Arthur, a fel Florizel and Antigonas, The Winter's Tale, y ddau yn y Lyric Theatre, London; fel yr arloeswr, Ingolstadt, Gate Theatre; a fel Danton a'r tad, Snow Palace, Tricycle Theatre, Kilburn, Swydd Efrog, Lloegr
• Aston, The Caretaker, Theatr y Sherman, Caerdydd, 1990
• JB Feller yn The Man Who Had All the Luck by Arthur Miller yn y The Donmar Warehouse,^[10] Chw 28 - Ebr 5, 2008
• Sergeant-Major Reg Drummond yn Privates on Parade gan Peter Nichols yn y Noël Coward Theatre,^[11] 1 Rhagfyr 2012 - 2 Mawrth 2013

• Ymddangosodd mewn darllediadau radio o Cadfael and Cocaine.^[12]
• Samson yn The Listener gan Julian Simpson.^[13]

• Mark Lewis Jones yn yr Internet Movie Database