Actores a dawnswraig o'r Unol Daleithiau a ddaeth yn enwog fel actores ifanc eiconig yn y 1930au ac a dreuliodd gyfnod fel diplomydd a llysgennad fel oedolyn oedd Shirley Jane Temple (23 Ebrill 1928 – 10 Chwefror 2014). Dan ei henw llwyfan Shirley Temple, roedd hi'n un o ffigurau mwyaf adnabyddus America yn ystod y Dirwasgiad Mawr gan serennu mewn sawl ffilm Hollywood sentimentalaidd.

Cafodd ei eni yn Santa Monica, Califfornia, UDA. Rhydhaodd sawl cân lwyddiannus iawn, wedi'u cymryd o'i ffilmiau, yn cynnwys On the Good Ship Lolipop.

Mae sawl beirniad, yn cynnwys y nofelydd Graham Greene, wedi gweld ffilmiau cynnar Temple fel enghreifftiau honedig o'r ffordd roedd Hollywood yn rhywiolaethu actorion ac actoresau ifainc. Ysbydolwyd Salvador Dalí i greu'r darlun Shirley Temple, Anghenfil Sinema Mwyaf Ifanc, Mwyaf Sanctaidd, ei Hoes (teitl Saesneg arferol: Shirley Temple, The Youngest, Most Sacred Monster of the Cinema in Her Time) sy'n portreadu Temple fel sffincs.