Brenin neu bennaeth gwladwriaeth Fwslimaidd yw swltan (amrywiad: syltan; o'r Saesneg sultan, seisnigiad o'r gair Arabeg سلطان). Yn wreiddiol roedd y gair swltan yn enw haniaethol yn golygu "nerth", "awdurdod", neu "rheolaeth", yn deillio o'r berfenw Arabeg سلطة sulṭah, sy'n golygu "awdurdod" neu "grym". Yn nes ymlaen cafodd ei ddefnyddio fel teitl rhai rheolwyr Mwslim a hawliai awdurdod sofranaidd ymarferol, h.y. heb fod yn ddibynnol ar awdurdod uwch, ond heb hawlio bod yn califfiaid; yn ogystal gallai fod yn deitl llywodraethwr talaith bwysig yn y califfiaeth dan galiff Baghdad.

Gelwir breninllin neu deyrnas a reolir gan swltan yn Swltanaeth (Arabeg: سلطنة‎).

• Califf