Erthygl am yr ysgolhaig yw hon. Am y clerigwr a llenor o'r 17eg ganrif, gweler Thomas Powell.

Ysgolhaig Celtaidd Cymreig oedd Thomas Powel (1845–1922). Ef oedd yr athro prifysgol cyntaf i gael Cadair Geltaidd yng Nghymru.

Ganed Powel yn Llanwrtyd, Brycheiniog (de Powys) yn 1845. Graddiodd o Goleg yr Iesu, Rhydychen gydag Anhrydedd yn y Clasuron yn 1872 ac ymunodd â staff Coleg Prifysgol Cymru, Caerdydd pan sefydlwyd y coleg hwnnw yn 1883. Bu'n athro cadair Geltaidd yno o 1884 hyd ei ymddeoliad yn 1914.

Gwasanaethodd tymor fel golygydd Y Cymmrodor, cylchgrawn Anrhydeddus Gymdeithas y Cymmrodorion, o 1880 hyd 1886. Cyhoeddodd nifer o erthyglau a sawl golygiad o destunau Cymraeg Canol, yn cynnwys Ystorya de Carolo Magno.

Golygydd:

• Ystorya de Carolo Magno (1883)
• The Gododdin of Aneirin Gwawdrydd gan Thomas Stephens (1888)
• Psalmau Dafydd William Morgan, 1588 (1897)