 |
VOOZH | about |
|
VOOZH | about |
في إطار الجريمة والإثارة، يتناول الفيلم قصة قاتل متسلسل يُدعى كريم، نشأ وحيدًا يبحث عن ذاته، فوجد ضالته في عصيان عائلته، وبعد سنوات يقيم علاقة مع فتاة جميلة ويبدأ سلسلة جرائم قتل لعدد من النساء.
في إطار الجريمة والإثارة، يتناول الفيلم قصة قاتل متسلسل يُدعى كريم، نشأ وحيدًا يبحث عن ذاته، فوجد ضالته في عصيان عائلته، وبعد سنوات يقيم علاقة مع فتاة جميلة ويبدأ سلسلة جرائم قتل...اقرأ المزيد لعدد من النساء.
المزيدمش كل فيلم بيتعمل عن جريمة حقيقية يبقى بالضرورة فيلم تقيل...ساعات بيبقى العكس تماما. وساعات كمان القصة نفسها تبقى مرعبة وصادمة لدرجة إنك تتخيل إن الفيلم هيشدك من أول دقيقة لآخر ثانية… لكن اللي يحصل إنك تخرج منه ومش حاسس بأي حاجة. «سفاح التجمع» كان واحد من الأفلام اللي داخلة بتوقعات عالية جدا، خاصة مع قصة الناس كلها عارفاها ومش سهلة تتنسي. بس الحقيقة إن اللي على الورق حاجة… واللي اتقدم على الشاشة حاجة تانية خالص. ومن هنا تبدأ الحكاية… مش حكاية السفاح، لكن حكاية فيلم ضيع فرصة كان ممكن تبقى من أهم...اقرأ المزيد أفلام الجريمة في الفترة الأخيرة. الفيلم مستوحى من جريمة حقيقية هزت الرأي العام في مصر والعالم العربي، من بطولة أحمد الفيشاوي، وتأليف وإخراج محمد صلاح العزب في أول تجربة سينمائية ليه كمخرج. القصة ببساطة بتدور حوالين قاتل متسلسل بيستدرج ضحاياه من فتيات الليل ويقتلهم جوه بيته في التجمع الخامس… ودي لوحدها كفيلة تخلي أي حد متحمس يشوف الفيلم. الفكرة نفسها جريئة، ومش مرفوضة زي ما ناس كتير بتفتكر، بالعكس، أفلام القتلة المتسلسلين ممكن تبقى من أقوى الأعمال لو اتقدمت بشكل صح، وفيها عمق نفسي وإنساني يخلي المشاهد يفهم مش بس “إيه اللي حصل”، لكن “ليه حصل”...وهنا الفيلم بدأ يقع. أكبر مشكلة قابلت الفيلم كانت في الكتابة، ورغم نجاح العزب سابقا في "سفاح الجيزة" كمؤلف للدراما التلفزيونية، إلا أن انتقاله للسينما جاء محملا بضعف شديد في البناء، فالسيناريو واضح إنه ضعيف ومفكك، مفيش ترابط حقيقي بين الأحداث، وكأن المشاهد بتتحط جنب بعض من غير ما يكون فيه خط درامي واضح ماسكهم، الحوار كمان ما ساعدش خالص، كان مباشر وباهت، ومفيهوش روح أو عمق يخليك تصدق الشخصيات أو تتعاطف معاهم. من ناحية الإخراج، فالتجربة باين عليها إنها أول مرة فعلا.، محمد صلاح العزب وقع في شوية أخطاء واضحة، زي التركيز الغريب على وشوش الممثلين من غير سبب درامي مفهوم، وكمان ضعف شديد في إدارة الممثلين، وده ظهر جدا في أداء الضحايا اللي كان باهت ومش مقنع خالص. غير كده، الفيلم فشل إنه يخلق أي إحساس بالتوتر أو الرعب، حتى في مشاهد المفروض تبقى صادمة. أما على مستوى التمثيل، أحمد الفيشاوي كان تقريبا الوحيد اللي قدر يقدم حاجة كويسة، حضوره وغموضه مناسبين جدا لشخصية السفاح، وده خلاه أحسن عنصر في الفيلم، وقدر يثبت أن ملامحه قادرة على تجسيد الأدوار المعقدة والغامضة، واستطاع ببراعته المعهودة تقديم "كاريزما" القاتل المضطرب. لكن باقي الكاست للأسف كان ضعيف، فالممثلات اللاتي جسدن أدوار الضحايا افتقرن لأبسط أدوات التعبير، كمان التركيز المبالغ فيه من الكاميرا على "الكوز أب" لوجوههن وأعينهن لم يخدم الدراما في شيء، بل كشف عن ضعف أدائهن وعدم قدرتهن على نقل مشاعر الرعب أو الاستسلام بشكل مقنع. كمان واضح إن الفيلم اتأثر بمشاكل رقابية، لأن في إحساس مستمر إن فيه أجزاء متشالة، المونتاج كان مضطرب، وفي نقلات مفاجئة بين المشاهد تخليك تحس إن في حاجات ناقصة، وده بوظ الإيقاع وخلى متابعة الأحداث صعبة ومش مفهومة أحيانا. ورغم إن الفيلم بيتكلم عن قاتل متسلسل وقصة المفروض تكون مرعبة، إلا إنه فشل تماما إنه يخلق أي إثارة أو توتر حقيقي، حتى الجانب النفسي للشخصية، زي فكرة العقد أو مشاكل الطفولة، ما اتقدمش بشكل عميق يخليك تفهم دوافعه… ففضلت الشخصية سطحية ومش مؤثرة. ف النهاية: نحن أمام عمل سينمائي باهت، ضاعت فيه موهبة الفيشاوي وسط إخراج وتأليف لم ينضجا بعد. التقييم النهائي: 4/10
