Vlarötz aŭ Vlarotz - germane Florutz, itale Fierozzo - estas komunumo de Italio, el kiuj granda nombro denaske parolas dialekton de la germana lingvo, nome lokan variaĵon de la bavara dialektaro, kiu propralingve nomatas Bersntolerisch, bersntoler Sproch aŭ simpligite taitsch, altgermane Fersentalerisch, fersentaler Sprache aŭ "deutsch", itale mòcheno. La komunumo situas en la regiono Trentino kaj Supra Adiĝo/Sudtirolo kaj en ties pli suda provinco Trento, en la nordo de la ŝtato. Najbaraj komunumoj estas Palù del Fersina, Sant'Orsola Terme, Torcegno, Frassilongo kaj Roncegno.