Geraardsbergen (nederlande, proksimuma prononco [GE:Rra:rdsberĥ'n], france Grammont) estas municipo en Belgio, unu el la 133 municipoj, kiuj ricevis la honortitolon "urbo". Ĝi ricevis la titolon en 1068 kiel unua urbo en la regiono. Komence de januaro 2016 ĝi havis 33 136 loĝantojn. La municipo apartenas al la distrikto Aalst.

Ekde 1977 la municipoj Goefferdinge, Grimminge, Idegem, Moerbeke-Geraardsbergen, Nederboelare, Nieuwenhove, Onkerzele, Ophasselt, Overboelare, Schendelbeke, Smeerebbe-Vloerzegem, Viane, Waarbeke, Zandbergen kaj Zarlardinge apartenas al Geraardsbergen, la ĉefa municipo.

Antaŭ la urbodomo de Geraardsbergen staras statuo simila al Manneken Pis de Bruselo.

Sur la okcidenta flanko de Oudenberg ('Malnova Monto') loĝis de 1920 ĝis 1941 la fama artpentristo-gravuristo Jan De Cooman, naskiĝinta en Zandbergen la 4an de aŭgusto 1893 kaj mortinta samloke la 11an de junio 1949.

• Oficiala retejo de la municipo (nederlande)