World Athletics, lehen Atletismo Amateurreko Nazioarteko Federazioa (IAAF bezala laburtua) atletismoko lehiaketa garrantzitsuenak koordinatu eta arautu, arautegia idatzi eta aplikatu, eta lortutako marka edo errekorrak homologatzen dituen nazioarteko organismoa da.^[1] Bere funtzioen artean, proba kronometratuetan denbora neurtzeko metodoen estandarizazioa, atletismoko munduko errekorren mantentzea eta errekorren aintzatespena kategoria ezberdinetan, eta lehiaketa ezberdinen ospakizuna daude, horien artean Munduko Atletismo Txapelketa nabarmentzen delarik.