Pakse (frantsesez:Paksé; laoseraz:ປາກເຊ [pȁːk séː] 'ibaiaren bokalea') Laosko Champasak probintziako hiriburua eta hiririk populatuena da. Xe Don eta Mekong ibaiak elkartzen diren lekuan dago, eta azken zentsuaren arabera 119.848 biztanle zituen.

Frantziak gune administratibo bat ezarri zuen bertan 1905ean. Hiria Champasakeko Erresumaren hiriburua izan zen, 1946ra arte, Laosko Erresuma sortu zenean. Frantzia-Thailandia gerraren ostean, Frantziak Preah Vihear probinzia Thailandiaren esku utzi zuen, lehenago Kanbodiako Protektoratu Frantsesaren parte zena.