Un audiolibro^[1] é unha gravación dun libro ou outro tipo de obra lida en voz alta. Os rexistros da fala existen en escolas e bibliotecas públicas e, en menor medida, tendas de música, dende comezos da década de 1930. Moitos álbums de fala foron creados antes da era das casetes, os CD ou o MP3; porén, adoitaban ser poesía ou teatro, e non libros completos. Non foi até a década de 1980 que o medio do audiolibro chamou a atención da industria editorial, que comezou a vendelos xunto cos libros tradicionais.

O termo "audiolibro" apareceu durante a década de 1970, cando os casetes empezaron a substituír ós discos fonográficos.^[2] En 1994, a Asociación de Editoriais de Audio estableceu a palabra "audiolibro" (en inglés:audiobook) coma o estándar nos Estados Unidos.^[2]