A fibrose^[1] é a formación ou desenvolvemento en exceso de tecido conectivo fibroso nun órgano ou tecido como consecuencia dun proceso reparador ou reactivo, en contraposición á formación de tecido fibroso como constituínte normal dun órgano ou tecido. A fibrose prodúcese por un proceso inflamatorio crónico, o que desencadea un aumento na produción e deposición de matriz extracelular.

A fibrose dáse con maior frecuencia no corazón, o pulmón, o peritoneo e o ril.

Algunhas doenzas son:

• Fibrose quística do páncreas e pulmóns.
• Fibrose endomiocárdica, miocardiopatía idiopática.
• Cirrose, unha fibrose de fígado.
• Fibrose pulmonar idiopática do pulmón.
• Fibrose mediastínica.
• Fibrose masiva progresiva, unha complicación da pneumoconiose en traballadores das minas de carbón.
• Fibrose proliferativa.
• Tuberculose (TB) pode causar fibrose do pulmón.
• Distrofia muscular de Duchenne.
• Periodontite crónica.