O Calvario, tamén coñecido como o Gólgota, foi un sitio que se atopaba preto do exterior das murallas de Xerusalén. Neste lugar Xesús foi crucificado.^[1] Gólgota ou Gólgotha provén do grego Γολγοθᾶ; posteriormente escrito como Γολγοθᾶς. A palabra xorde da tradución ao grego no Novo Testamento dun termo arameo que se cre que puidese ser Gûlgaltâ. A Biblia traduce o termo como "Lugar de [a] Caveira", frase que figura en grego como Κρανίου Τόπος (Kraníou Tópos), e en latín como Calvariæ Locus, de onde deriva a palabra galega Calvario.