VOOZH about

URL: https://gl.wikipedia.org/wiki/Neuroesteroide

⇱ Neuroesteroide - Wikipedia, a enciclopedia libre

Saltar ao contido
Na Galipedia, a Wikipedia en galego.
👁 Image
A zuranolona, un exemplo de neuroesteroide, usado para o tratamento da depresión posparto.

Os neuroesteroides, tamén coñecidos como esteroides neuroactivos, son esteroides endóxenos ou exóxenos que alteran rapidamente a excitabilidade neuronal ao interaccionaren con canles iónicas reguladas por ligando e outros receptores da superficie celular.[1][2] O termo neuroesteroide foi acuñado polo fisiólogo francés Étienne-Émile Baulieu e refírese a esteroides sintetizados no cerebro.[3][4] O termo, esteroide neuroactivo foi acuñado en 1992 por Steven Paul e Robert Purdy e refírese a esteroides que poden ser sintetizados no cerebro, pero tamén en glándulas endócrinas e chegan ao cerebro a través da circulación sanguínea e teñen efectos sobre a función cerebral.[5] Ademais das súas accións sobre os receptores da membrana neuronal, algúns destes esteroides poden tamén exercer efectos sobre a expresión xénica por medio dos receptores de hormonas esteroides nucleares. Os neuroesteroides teñen unha gran variedade de posibles aplicacións clínicas desde a sedación ao tratamento da epilepsia[6] e a lesión cerebral traumática.[7][8] A ganaxolona, un análogo sintético do neuroesteroide endóxeno alopregnanolona, está investigándose para o tratamento da epilepsia.[9]

Clasificación

[editar | editar a fonte]

Baseándose na diferenzas en actividade e estrutura, neuroesteroides poden ser clasificados en varios grupos.[3]

Neuroesteroides inhibitorios

[editar | editar a fonte]

Estes neuroesteroides exercen accións inhibidoras sobre a neurotransmisión. Actúan como moduladores alostéricos positivos do receptor GABAA (especialmente as isoformas que conteñen a subunidade δ), e posúen, non necesariamente por esta orde, efectos antidepresivos, ansiolíticos, redutores do estrés, de recompensa,[10] prosociais,[11] antiagresivos,[12] prosexuais,[11] sedativos, favorecedores do sono,[13] cognitivos e problemas de memoria,[Cómpre referencia] analxésicos,[14] anestésicos, anticonvulsivos, neuroprotectores e neuroxénicos.[3]

Exemplos importantes son: tetrahidrodesoxicorticosterona (THDOC), o androstano 3α-androstanodiol, o colestano colesterol e os pregnanos pregnanolona (eltanolona) e alopregnanolona (3α,5α-THP).[15][16]

Neurosteroides excitativos

[editar | editar a fonte]

Estes neuroesteroides teñen efectos excitativos sobre a neurotransmisión. Actúan como potentes moduladores alostéricos negativos do receptor GABAA, moduladores alostéricos positivos débiles do receptor de NMDA, e/ou agonistas do receptor σ1 e principalmente teñen efectos antidepresevos, anxioxénicos, cognitivos e potenciadores da memoria, convulsivos, neuroprotectores e neuroxénicos.[3]

Exemplos importantes son os pregnanos sulfato de pregnenolona, epipregnanolona e isopregnanolona (sepranolona), os androstanos deshidroepiandrosterona (DHEA; prasterona), e sulfato de deshidroepiandrosterona (DHEA-S; sulfato de prasterona), e o colestano 24(S)-hidroxicolesterol (selectivo do receptor de NMDA; moi potente).[17]

Feromonas

[editar | editar a fonte]

As feromonas son neuroesteroides que inflúen na actividade cerebral, concretamente na función hipotalámico, por medio da actuación das células do receptor vomeronasal.[18][19][20]

Entre as feromonas humanas posibles están os androstanos androstadienol, androstadienona, androstenol e androstenona e o estrano estratetraenol.

Outros neuroesteroides

[editar | editar a fonte]

Algúns outros esteroides endóxenos, como a pregnenolona,[21] proxesterona,[22][23] estradiol,[5] e corticosterona son tamén neuroesteroides. Porén, a diferenza dos listados arriba, estes neuroesteroides non modulan os receptores GABAA ou de NMDA, senón que afectan outros receptores da superficie celular e dianas non xenómicas. Ademais, moitos esteroides endóxenos, incluíndo a pregnenolona, proxesterona, corticosterona, desoxicorticosterona, DHEA, e testosterona, son metabolizados en (outros) neuroesteroides, funcionando como os chamados proneureosteroides.

Biosíntese

[editar | editar a fonte]

Os neurosteroides sintetízanse a partir do colesterol, que se converte en pregnenolona e despois en todos os outros esteroides endóxenos. Os neurosteroides prodúcense no cerebro por unha síntese local ou por conversión de esteroides adrenais procedentes da periferia ou esteroides gonadais. Acumúlanse principalmente en células gliais mielinizantes, a partir do colesterol ou precursores esteroides importados de fontes periféricas.[24][25] A 5α-redutase tipo I e a 3α-hidroxiesteroide deshidroxenase interveñen na biosíntese de neurosteroides inhibitorios, mentres que a 3β-hidroxiesteroide deshidroxenase e a hidroxiesteroide sulfotransferases interveñen na biosíntese de neuroesteroides excitativos.[3]

Algunhas funcións biolóxicas importantes coñecidas dos neuroesteroides son: modulación da plasticidade neural,[26] procesos de aprendizaxe e memoria,[27] comportamento,[28][29] e susceptibilidade a ter convulsións,[30] así como respostas ao estrés, ansiedade e depresión.[11][31] Os neuroesteroides tamén parecen ter un importante papel en varios comportamentos sexualmente dimórficos e respostas emocionais.[29]

O estrés agudo eleva os niveis de neuroesteroides inhibitorios como a alopregnanolona, e estes neuroesteroides sábese que contrarrestan moitos dos efectos do estrés.[32] Isto é similar ao caso das endorfinas, que se liberan en resposta ao estrés e dor física e contrarrestan os efectos subxectivos de ditos estados. En consecuencia, suxeriuse que unha das funcións biolóxicas destes neuromoduladores pode ser axudar a manter a homeostase emocional.[28][33] O estrés crónico foi asociado con niveis diminuídos de alopregnanolona e alteración da capacidade de resposta ao estrés de alopregnanolona, trastornos psiquiátricos e desregulación do eixe hipotalámico-hipofisario-gonadal.[31][32]

Pénsase que as flutuacións nos niveis de neuroesteroides inhibitorios durante o ciclo menstrual e o embarazo xogan un importante papel en diversas condicións médicas femininas, como a síndrome premenstrual, trastorno disfórico premenstrual, depresión posparto (PPD), psicose pospasrto, e epilepsia catamenial.[34][35][36] Ademais, pénsase que os cambios nos niveis de neuroesteroides poden afectar os cambios de humor, a ansiedade e o desexo secual que ocorren durante a puberdade en ambos os sexos e durante a menopausa en mulleres.[3][37][38]

Os niveis elevados de neuroesteroides inhbitorios, concretamente de alopregnanolona, poden producir efectos paradoxais, como estado de ánimo negativo, ansiedade, irritabilidade e agresión.[39][40][41][42] Isto parece ser debido a que estes neuroesteroides, igual que outros moduladores alostéricos positivos do receptor GABAA, como as benzodiazepinas, barbitúricos e etanol,[34][42] posúen accións con gráfica con forma de U bifásicas: niveis moderados (no rango de 1,5–2 nM/L de aloproxesterona total, que son aproximadamente equivalentes aos niveis que hai na fase lútea) inhiben a actividade do receptor GABAA, mentres que concentracións máis baixas ou máis altas facilitan a actividade do receptor.[40][41]

Actividade biolóxica

[editar | editar a fonte]

Receptor sigma-1

[editar | editar a fonte]
Neuroesteroides no receptor σ1[43]
CompostoKi (nM)AcciónEspeciesRef
Proxesterona268AntagonistaCobaia[44][45]
Desoxicorticosterona938DescoñecidaCobaia[44][45]
Testosterona1014DescoñecidaCobaia[44][45]
PregnenolonaNDAgonistaNDND
Sulfato de pregnenolona3198AgonistaCobaia[44][45]
DHEA3700Agonista?[45]
DHEA-SNDAgonistaNDND
Corticosterona4074DescoñecidaCobaia[44]

Aplicacións terapéuticas

[editar | editar a fonte]
👁 Image
Esteroides neuroactivos sintéticos máis antigos usados clinicamente.

Anestesia

[editar | editar a fonte]

Varios neuroesteroides sintéticos utilizáronse como sedantes como forma de anestesia xeral para levar a cabo operacións cirúrxicas. Os mellor coñecidos deles son a alfaxolona, a alfadolona, a hidroxidiona e a minaxolona. O primeiro deles que se utilizou foi a hidroxidiona, que é o derivado 21-hidroxi esterificado da 5β-pregnanediona. A hidroxidiona demostrou ser un anestésico útil cun bo perfil de seguridade, pero era doloroso e irritante cando se inxectaba, probablemente debido á súa mala hidrosolubilidade. Isto levou ao desenvolvemento de esteroides neuroactivos novos. O seguinte fármaco desta familia que se comercializou foi unha mestura de alfaxolona e alfadolona, coñecida como Althesin (altesina). Porén, foi retirada do uso humano debido a raras pero graves reaccións tóxicas, mais aínda se usa en veterinaria. O seguinte anestésico neuroesteroide introducido na medicina foi o novo fármaco minaxolona, que é unhas tres veces máis potente que a altesina e mantén o perfil de seguridade favorable, sen os problemas de toxicidade vistos coa altesina. Porén, este fármaco foi tamén finalmente retirado, non debido a problemas no seu uso clínico, senón porque estudos en animais suxerían unha potencial carcinoxenicidade, e como se dispoñía de axentes alternativos, pensouse que o posible risco superaba os beneficios de manter o fármaco no mercado.

Ganaxolona

[editar | editar a fonte]
👁 Image
A ganaxolona, un esteroide neuroactivo que actualmente está en desenvolvemento clínico.

O neuroesteroide ganaxolona, un análogo do metabolito da proxesterona alopregnanolona, foi amplamente investigado en modelos animais e actualmente está en ensaios clínicos para o tratamento da epilepsia. Os neuroesteroides, como a ganaxolona teñen un amplo espectro de actividade en modelos animais.[46] Pode ter vantaxes sobre outros moduladores do receptor GABAA, como as benzodiazepinas, porque non parece que se produza tolerancia co seu uso repetido.[47][48]

Un ensaio clínico en fase 2 de 10 semanas aleatorizado controlado con placebo de gonaxolona administrada oralmente en adultos con convulsións de comezo parcial demostrou que o tratamento é seguro, ben tolerado e eficaz.[9] O fármaco seguiu demostrando eficacia nunha ampliación de ensaio aberto de 104 semanas. Os datos dos estudos non-clínicos suxiren que a ganaxolona pode ter un baixo risco se se usa durante o embarazo. Ademais da súa utilización no tratamento da epilepsia, o fármaco ten un posible uso no tratamento dunha ampla variedade de condicións psiquiátricas e neurolóxicas. Actualmente están realizándose estudos de proba de concepto no trastorno de estrés postraumáico e na síndrome do X fáxil. A ganaxolona foi aprobada para uso médico nos Estados Unidos en marzo de 2022.

Epilepsia catamenial

[editar | editar a fonte]

Propúxose o uso da chamada "terapia de substitución de neuroesteroides" para tratar a epilepsia catamenial con esteroides neuroactivos como a ganaxolona durante o período do ciclo menstrual no cal se incrementa a frecuencia de convulsións.[6] Suxeriuse a proxesterona micronizada, que se comporta como un profármaco fiable da alopregnanolona, como tratamento da epilepsia catamenial da mesma maneira.[49]

Alopregnanolona

[editar | editar a fonte]

A alopregnanolona (SAGE-547) está en desenvolvemento como terapia intravenosa para o tratamento do status epilepticus super-refractario, depresión posparto e tremor esencial.[50]

Outras aplicacións

[editar | editar a fonte]

O 4,16-androstadien-3β-ol (PH94B, Aloradina) é unha feromona sintética, ou ferina, un neuroesteroide que está investigándose para o tratamento de trastornos de ansiedade en mulleres.[19][20][51]

A 3β-metoxipregnenolona (MAP-4343), ou a pregnenolona 3β-metil éter, é un esteroide neuroactivo sintético e derivado da pregnenolona que interacciona coa proteína asociada aos micotúbulos 2 (MAP2) de maneira similar á pregnenolona e está a desenvolverse para posibles usos clínicos para indicacións como o tratamento de lesións cerebrais e da medula espiñal e os trastornos depresivos.[52][53][54][55]

Papel na acción antidepresiva

[editar | editar a fonte]

Certos fármacos antidepresivos como a fluoxetina e a fluvoxamina, que se pensa xeralmente que afecta a depresión ao actuar como inhibidor de recaptación da serotonina selectivo (SSRI), tamén se atopou que normalizan os niveis de certos neuroesteroides (dos que frecuentemente hai deficiencia en pacientes con depresión) a doses que son inactivas en canto á afectación da recaptación de serotonina. Isto suxire que outras accións nas que interveñen os neuroesteroides poden tamén afectar a efectividade deses fármacos contra a depresión.[56][57]

O encima 3α-hidroxiesteroide deshidroxenase (3α-HSD) é inducido por certos SSRIs, como a fluoxetina, fluvoxamina, sertralina e paroxetina, así como por algúns outros antidepresivos, como a venlafaxina e a mirtazapina, e estes antidepresores incrementan os niveis de neuroesteroides inhibitorios.[58][59][60][61] O aumento da biosíntese de neuroesteroides inhibidores foi implicado nos efectos antidepresivos e ansiolíticos dalgúns SSRIs.[58]

Efectos das benzodiazepina sobre os neuroesteroides

[editar | editar a fonte]

As benzodiazepinas poden influír no metabolismo dos neuroesteroides por mor das súas accións sobre a proteína translocadora (TSPO; "receptor de benzodiazepina periférico").[62] As accións farmacolóxicas das benzodiazepinas no receptor GABAA son similares ás dos neuroesteroides, aínda que varía a localización da benzodiazepina e os subtipos do receptor GABAA sensible a neuroesteroides.[63] Os factores que afectan a capacidade dunha determinada benzodiazepina de alterar os niveis de neuroesteroides poden depender de se dita benzodiazepina interacciona coa TSPO. Algunhas benzodiazepinas poden tamén inhibir encimas neuroesteroidoxénicos reducindo a síntese de neuroesteroides.[64]

  1. ↑ Paul SM, Purdy RH (marzo de 1992). "Neuroactive steroids". FASEB Journal 6 (6): 2311–22. PMID1347506. doi:10.1096/fasebj.6.6.1347506.
  2. ↑ Lan NC, Gee KW (decembro de 1994). "Neuroactive steroid actions at the GABAA receptor". Hormones and Behavior 28 (4): 537–44. PMID7729823. doi:10.1006/hbeh.1994.1052.
  3. 1 2 3 4 5 6 Reddy DS (2010). "Neurosteroids". Sex Differences in the Human Brain, their Underpinnings and Implications. Progress in Brain Research 186. pp.113–37. ISBN9780444536303. PMC3139029. PMID21094889. doi:10.1016/B978-0-444-53630-3.00008-7.
  4. ↑ Reddy DS, Rogawski MA (2012). "Neurosteroids — Endogenous Regulators of Seizure Susceptibility and Role in the Treatment of Epilepsy". En Noebels JL, Avoli M, Rogawski MA, et al. Jasper's Basic Mechanisms of the Epilepsies [Internet]. 4ª edición. Bethesda (MD): National Center for Biotechnology Information (US). National Center for Biotechnology Information (US). PMID22787590.
  5. 1 2 Srivastava DP, Waters EM, Mermelstein PG, Kramár EA, Shors TJ, Liu F (novembro de 2011). "Rapid estrogen signaling in the brain: implications for the fine-tuning of neuronal circuitry". The Journal of Neuroscience 31 (45): 16056–63. PMC3245715. PMID22072656. doi:10.1523/JNEUROSCI.4097-11.2011.
  6. 1 2 Reddy DS, Rogawski MA (abril de 2009). "Neurosteroid replacement therapy for catamenial epilepsy". Neurotherapeutics 6 (2): 392–401. PMC2682439. PMID19332335. doi:10.1016/j.nurt.2009.01.006.
  7. ↑ Morrow AL (outubro de 2007). "Recent developments in the significance and therapeutic relevance of neuroactive steroids--Introduction to the special issue". Pharmacology & Therapeutics 116 (1): 1–6. PMC2047816. PMID17531324. doi:10.1016/j.pharmthera.2007.04.003.
  8. ↑ Dubrovsky BO (febreiro de 2005). "Steroids, neuroactive steroids and neurosteroids in psychopathology". Progress in Neuro-Psychopharmacology & Biological Psychiatry 29 (2): 169–92. PMID15694225. doi:10.1016/j.pnpbp.2004.11.001.
  9. 1 2 Bialer M, Johannessen SI, Levy RH, Perucca E, Tomson T, White HS (xaneiro de 2013). "Progress report on new antiepileptic drugs: a summary of the Eleventh Eilat Conference (EILAT XI)". Epilepsy Research 103 (1): 2–30. PMID23219031. doi:10.1016/j.eplepsyres.2012.10.001.
  10. ↑ Rougé-Pont F, Mayo W, Marinelli M, Gingras M, Le Moal M, Piazza PV (xullo de 2002). "The neurosteroid allopregnanolone increases dopamine release and dopaminergic response to morphine in the rat nucleus accumbens". The European Journal of Neuroscience 16 (1): 169–73. PMID12153544. doi:10.1046/j.1460-9568.2002.02084.x.
  11. 1 2 3 Frye CA (decembro de 2009). "Neurosteroids' effects and mechanisms for social, cognitive, emotional, and physical functions". Psychoneuroendocrinology 34 (Suppl 1): S143–61. PMC2898141. PMID19656632. doi:10.1016/j.psyneuen.2009.07.005.
  12. ↑ Pinna G, Costa E, Guidotti A (feebreiro de 2005). "Changes in brain testosterone and allopregnanolone biosynthesis elicit aggressive behavior". Proceedings of the National Academy of Sciences of the United States of America 102 (6): 2135–40. Bibcode:2005PNAS..102.2135P. PMC548579. PMID15677716. doi:10.1073/pnas.0409643102.
  13. ↑ Terán-Pérez G, Arana-Lechuga Y, Esqueda-León E, Santana-Miranda R, Rojas-Zamorano J, Velázquez Moctezuma J (outubro de 2012). "Steroid hormones and sleep regulation". Mini Reviews in Medicinal Chemistry 12 (11): 1040–8. PMID23092405. doi:10.2174/138955712802762167.
  14. ↑ Patte-Mensah C, Meyer L, Taleb O, Mensah-Nyagan AG (febreiro de 2014). "Potential role of allopregnanolone for a safe and effective therapy of neuropathic pain". Progress in Neurobiology 113: 70–8. PMID23948490. doi:10.1016/j.pneurobio.2013.07.004.
  15. ↑ Hénin J, Salari R, Murlidaran S, Brannigan G (maio de 2014). "A predicted binding site for cholesterol on the GABAA receptor". Biophysical Journal 106 (9): 1938–1949. Bibcode:2014BpJ...106.1938H. PMC4017285. PMID24806926. doi:10.1016/j.bpj.2014.03.024.
  16. ↑ Levitan I, Singh DK, Rosenhouse-Dantsker A (2014). "Cholesterol binding to ion channels". Frontiers in Physiology 5: 65. PMC3935357. PMID24616704. doi:10.3389/fphys.2014.00065.
  17. ↑ Paul SM, Doherty JJ, Robichaud AJ, Belfort GM, Chow BY, Hammond RS, et al. (outubro de 2013). "The major brain cholesterol metabolite 24(S)-hydroxycholesterol is a potent allosteric modulator of N-methyl-D-aspartate receptors". The Journal of Neuroscience 33 (44): 17290–17300. PMC3812502. PMID24174662. doi:10.1523/JNEUROSCI.2619-13.2013.
  18. ↑ Hawkes CH, Doty RL (12 de febreiro de 2009). The Neurology of Olfaction. Cambridge University Press. pp.37–. ISBN978-0-521-68216-9.
  19. 1 2 Monti-Bloch L, Jennings-White C, Dolberg DS, Berliner DL (1994). "The human vomeronasal system". Psychoneuroendocrinology 19 (5–7): 673–86. PMID7938363. doi:10.1016/0306-4530(94)90049-3.
  20. 1 2 Liebowitz MR, Salman E, Nicolini H, Rosenthal N, Hanover R, Monti L (xuño de 2014). "Effect of an acute intranasal aerosol dose of PH94B on social and performance anxiety in women with social anxiety disorder". The American Journal of Psychiatry 171 (6): 675–82. PMID24700254. doi:10.1176/appi.ajp.2014.12101342.
  21. ↑ Marx CE, Bradford DW, Hamer RM, Naylor JC, Allen TB, Lieberman JA, Strauss JL, Kilts JD (setembro de 2011). "Pregnenolone as a novel therapeutic candidate in schizophrenia: emerging preclinical and clinical evidence". Neuroscience 191: 78–90. PMID21756978. doi:10.1016/j.neuroscience.2011.06.076.
  22. ↑ Baulieu E, Schumacher M (2000). "Progesterone as a neuroactive neurosteroid, with special reference to the effect of progesterone on myelination". Steroids 65 (10–11): 605–12. PMID11108866. doi:10.1016/s0039-128x(00)00173-2.
  23. ↑ Thomas P, Pang Y (2012). "Membrane progesterone receptors: evidence for neuroprotective, neurosteroid signaling and neuroendocrine functions in neuronal cells". Neuroendocrinology 96 (2): 162–71. PMC3489003. PMID22687885. doi:10.1159/000339822.
  24. ↑ Agís-Balboa RC, Pinna G, Zhubi A, Maloku E, Veldic M, Costa E, Guidotti A (setembro de 2006). "Characterization of brain neurons that express enzymes mediating neurosteroid biosynthesis". Proceedings of the National Academy of Sciences of the United States of America 103 (39): 14602–7. Bibcode:2006PNAS..10314602A. PMC1600006. PMID16984997. doi:10.1073/pnas.0606544103.
  25. ↑ Mellon SH, Griffin LD (2002). "Neurosteroids: biochemistry and clinical significance". Trends in Endocrinology and Metabolism 13 (1): 35–43. PMID11750861. doi:10.1016/S1043-2760(01)00503-3.
  26. ↑ Benarroch EE (marzo de 2007). "Neurosteroids: endogenous modulators of neuronal excitability and plasticity". Neurology 68 (12): 945–7. PMID17372131. doi:10.1212/01.wnl.0000257836.09570.e1.
  27. ↑ Vallée M, Mayo W, Koob GF, Le Moal M (2001). "Neurosteroids in learning and memory processes". International Review of Neurobiology 46: 273–320. ISBN9780123668462. PMID11599303. doi:10.1016/s0074-7742(01)46066-1.
  28. 1 2 Engel SR, Grant KA (2001). "Neurosteroids and behavior". International Review of Neurobiology 46: 321–48. ISBN9780123668462. PMID11599304. doi:10.1016/S0074-7742(01)46067-3.
  29. 1 2 King SR (2008). "Emerging roles for neurosteroids in sexual behavior and function". Journal of Andrology 29 (5): 524–33. PMID18567641. doi:10.2164/jandrol.108.005660.
  30. ↑ Joshi S, Rajasekaran K, Kapur J (xuño de 2013). "GABAergic transmission in temporal lobe epilepsy: the role of neurosteroids". Experimental Neurology 244: 36–42. PMC3319002. PMID22101060. doi:10.1016/j.expneurol.2011.10.028.
  31. 1 2 Girdler SS, Klatzkin R (outubro de 2007). "Neurosteroids in the context of stress: implications for depressive disorders". Pharmacology & Therapeutics 116 (1): 125–39. PMC2650267. PMID17597217. doi:10.1016/j.pharmthera.2007.05.006.
  32. 1 2 Bali A, Jaggi AS (xaneiro de 2014). "Multifunctional aspects of allopregnanolone in stress and related disorders". Progress in Neuro-Psychopharmacology & Biological Psychiatry 48: 64–78. PMID24044974. doi:10.1016/j.pnpbp.2013.09.005.
  33. ↑ Gunn BG, Cunningham L, Mitchell SG, Swinny JD, Lambert JJ, Belelli D (xaneiro de 2015). "GABAA receptor-acting neurosteroids: a role in the development and regulation of the stress response". Frontiers in Neuroendocrinology 36: 28–48. PMC4349499. PMID24929099. doi:10.1016/j.yfrne.2014.06.001.
  34. 1 2 Bäckström T, Andersson A, Andreé L, Birzniece V, Bixo M, Björn I, Haage D, Isaksson M, Johansson IM, Lindblad C, Lundgren P, Nyberg S, Odmark IS, Strömberg J, Sundström-Poromaa I, Turkmen S, Wahlström G, Wang M, Wihlbäck AC, Zhu D, Zingmark E (decembro de 2003). "Pathogenesis in menstrual cycle-linked CNS disorders". Annals of the New York Academy of Sciences 1007 (1): 42–53. Bibcode:2003NYASA1007...42B. PMID14993039. doi:10.1196/annals.1286.005.
  35. ↑ Guille C, Spencer S, Cavus I, Epperson CN (xullo de 2008). "The role of sex steroids in catamenial epilepsy and premenstrual dysphoric disorder: implications for diagnosis and treatment". Epilepsy & Behavior 13 (1): 12–24. PMC4112568. PMID18346939. doi:10.1016/j.yebeh.2008.02.004.
  36. ↑ Finocchi C, Ferrari M (maio de 2011). "Female reproductive steroids and neuronal excitability". Neurological Sciences 32 (Suppl 1): S31–5. PMID21533709. doi:10.1007/s10072-011-0532-5.
  37. ↑ Genazzani AR, Bernardi F, Monteleone P, Luisi S, Luisi M (2000). "Neuropeptides, neurotransmitters, neurosteroids, and the onset of puberty". Annals of the New York Academy of Sciences 900 (1): 1–9. Bibcode:2000NYASA.900....1G. PMID10818386. doi:10.1111/j.1749-6632.2000.tb06210.x.
  38. ↑ Melcangi RC, Panzica G, Garcia-Segura LM (setembro de 2011). "Neuroactive steroids: focus on human brain". Neuroscience 191: 1–5. PMID21704130. doi:10.1016/j.neuroscience.2011.06.024. hdl:10261/61590.
  39. ↑ Andréen L, Sundström-Poromaa I, Bixo M, Nyberg S, Bäckström T (agosto de 2006). "Allopregnanolone concentration and mood--a bimodal association in postmenopausal women treated with oral progesterone". Psychopharmacology 187 (2): 209–21. PMID16724185. doi:10.1007/s00213-006-0417-0.
  40. 1 2 Bäckström T, Haage D, Löfgren M, Johansson IM, Strömberg J, Nyberg S, Andréen L, Ossewaarde L, van Wingen GA, Turkmen S, Bengtsson SK (setembro de 2011). "Paradoxical effects of GABA-A modulators may explain sex steroid induced negative mood symptoms in some persons". Neuroscience 191: 46–54. PMID21600269. doi:10.1016/j.neuroscience.2011.03.061.
  41. 1 2 Andréen L, Nyberg S, Turkmen S, van Wingen G, Fernández G, Bäckström T (setembro de 2009). "Sex steroid induced negative mood may be explained by the paradoxical effect mediated by GABAA modulators". Psychoneuroendocrinology 34 (8): 1121–32. PMID19272715. doi:10.1016/j.psyneuen.2009.02.003.
  42. 1 2 Bäckström T, Bixo M, Johansson M, Nyberg S, Ossewaarde L, Ragagnin G, Savic I, Strömberg J, Timby E, van Broekhoven F, van Wingen G (febreiro de 2014). "Allopregnanolone and mood disorders". Progress in Neurobiology 113: 88–94. PMID23978486. doi:10.1016/j.pneurobio.2013.07.005.
  43. ↑ Maurice T, Urani A, Phan VL, Romieu P (2001). "The interaction between neuroactive steroids and the sigma1 receptor function: behavioral consequences and therapeutic opportunities". Brain Res. Brain Res. Rev. 37 (1–3): 116–32. PMID11744080. doi:10.1016/s0165-0173(01)00112-6.
  44. 1 2 3 4 5 Su TP, London ED, Jaffe JH (1988). "Steroid binding at sigma receptors suggests a link between endocrine, nervous, and immune systems". Science 240 (4849): 219–21. Bibcode:1988Sci...240..219S. PMID2832949. doi:10.1126/science.2832949.
  45. 1 2 3 4 5 Takebayashi M, Hayashi T, Su TP (2004). "A perspective on the new mechanism of antidepressants: neuritogenesis through sigma-1 receptors". Pharmacopsychiatry 37 (Suppl 3): S208–13. PMID15547787. doi:10.1055/s-2004-832679.
  46. ↑ Rogawski MA, Reddy DS, 2004. Neurosteroids: endogenous modulators of seizure susceptibility. In: Rho, J.M., Sankar, R., Cavazos, J. (Eds.), Epilepsy: Scientific Foundations of Clinical Practice. Marcel Dekker, Nova York, 2004;319-355.
  47. ↑ Kokate TG, Yamaguchi S, Pannell LK, Rajamani U, Carroll DM, Grossman AB, Rogawski MA (novembro de 1998). "Lack of anticonvulsant tolerance to the neuroactive steroid pregnanolone in mice". The Journal of Pharmacology and Experimental Therapeutics 287 (2): 553–8. PMID9808680. doi:10.1016/S0022-3565(24)37827-9.
  48. ↑ Reddy DS, Rogawski MA (decembro de 2000). "Chronic treatment with the neuroactive steroid ganaxolone in the rat induces anticonvulsant tolerance to diazepam but not to itself". The Journal of Pharmacology and Experimental Therapeutics 295 (3): 1241–8. PMID11082461. doi:10.1016/S0022-3565(24)39026-3.
  49. ↑ Devinsky O, Schachter S, Pacia S (1 de xaneiro de 2005). Complementary and Alternative Therapies for Epilepsy. Demos Medical Publishing. pp.378–. ISBN978-1-934559-08-6.
  50. ↑ "Brexanolone - Sage Therapeutics". AdisInsight. Springer Nature Switzerland AG.
  51. ↑ Griebel G, Holmes A (setembro de 2013). "50 years of hurdles and hope in anxiolytic drug discovery" (PDF). Nature Reviews. Drug Discovery 12 (9): 667–87. PMC4176700. PMID23989795. doi:10.1038/nrd4075.
  52. ↑ "Pregnenolone methyl ether - Mapreg". AdisInsight. Springer Nature Switzerland AG.
  53. ↑ Duchossoy Y, David S, Baulieu EE, Robel P (2011). "Treatment of experimental spinal cord injury with 3β-methoxy-pregnenolone". Brain Res. 1403: 57–66. PMID21704982. doi:10.1016/j.brainres.2011.05.065.
  54. ↑ Bianchi M, Baulieu EE (2012). "3β-Methoxy-pregnenolone (MAP4343) as an innovative therapeutic approach for depressive disorders". Proc. Natl. Acad. Sci. U.S.A. 109 (5): 1713–8. Bibcode:2012PNAS..109.1713B. PMC3277154. PMID22307636. doi:10.1073/pnas.1121485109.
  55. ↑ Baulieu É (2015). "From steroid hormones to depressive states and senile dementias: New mechanistic, therapeutical and predictive approaches". Comptes Rendus Biologies 338 (8–9): 613–6. PMID26251072. doi:10.1016/j.crvi.2015.06.003.
  56. ↑ Uzunova V, Sheline Y, Davis JM, Rasmusson A, Uzunov DP, Costa E, Guidotti A (marzo de 1998). "Increase in the cerebrospinal fluid content of neurosteroids in patients with unipolar major depression who are receiving fluoxetine or fluvoxamine". Proceedings of the National Academy of Sciences of the United States of America 95 (6): 3239–44. Bibcode:1998PNAS...95.3239U. PMC19726. PMID9501247. doi:10.1073/pnas.95.6.3239.
  57. ↑ Pinna G, Costa E, Guidotti A (24 de xaneiro de 2006). "Fluoxetine and norfluoxetine stereospecifically and selectively increase brain neurosteroid content at doses that are inactive on 5-HT reuptake". Psychopharmacology 186 (3): 362–72. PMID16432684. doi:10.1007/s00213-005-0213-2.
  58. 1 2 Reddy, Doodipala Samba (2010). "Neurosteroids". Sex Differences in the Human Brain, their Underpinnings and Implications. Progress in Brain Research 186. pp.113–137. ISBN978-0-444-53630-3. ISSN0079-6123. PMC3139029. PMID21094889. doi:10.1016/B978-0-444-53630-3.00008-7.
  59. ↑ Griffin LD, Mellon SH (novembro de 1999). "Selective serotonin reuptake inhibitors directly alter activity of neurosteroidogenic enzymes". Proc. Natl. Acad. Sci. U.S.A. 96 (23): 13512–7. Bibcode:1999PNAS...9613512G. PMC23979. PMID10557352. doi:10.1073/pnas.96.23.13512.
  60. ↑ Pinna G (setembro de 2010). "In a mouse model relevant for post-traumatic stress disorder, selective brain steroidogenic stimulants (SBSS) improve behavioral deficits by normalizing allopregnanolone biosynthesis". Behav Pharmacol 21 (5–6): 438–50. PMC2942072. PMID20716970. doi:10.1097/FBP.0b013e32833d8ba0.
  61. ↑ Schüle C, Romeo E, Uzunov DP, Eser D, di Michele F, Baghai TC, Pasini A, Schwarz M, Kempter H, Rupprecht R (marzo de 2006). "Influence of mirtazapine on plasma concentrations of neuroactive steroids in major depression and on 3alpha-hydroxysteroid dehydrogenase activity". Mol. Psychiatry 11 (3): 261–72. PMID16344854. doi:10.1038/sj.mp.4001782.
  62. ↑ Dhir A, Rogawski MA (abril de 2012). "Role of neurosteroids in the anticonvulsant activity of midazolam". British Journal of Pharmacology 165 (8): 2684–91. PMC3423249. PMID22014182. doi:10.1111/j.1476-5381.2011.01733.x.
  63. ↑ Wang, Mingde (2011). "Neurosteroids and GABA-A Receptor Function". Frontiers in Endocrinology 2: 44. ISSN1664-2392. PMC3356040. PMID22654809. doi:10.3389/fendo.2011.00044.
  64. ↑ Usami N, Yamamoto T, Shintani S, Ishikura S, Higaki Y, Katagiri Y, Hara A (abril de 2002). "Substrate specificity of human 3(20)alpha-hydroxysteroid dehydrogenase for neurosteroids and its inhibition by benzodiazepines" (pdf). Biological & Pharmaceutical Bulletin 25 (4): 441–5. PMID11995921. doi:10.1248/bpb.25.441.

Véxase tamén

[editar | editar a fonte]

Outros artigos

[editar | editar a fonte]

Bibliografía

[editar | editar a fonte]
Categorías:
Categorías agochadas: