Basketball abo basketbul je mustwowy sport, při kotrymž so dwě mustwje ze zwjetša pjeć hrajerjemi mjez sobu wubědźujetej. Wonej spytatej po móžnosći wjele dypkow zdobyć z tym, zo bul do koša přećiwneho mustwa ćisnjetej.

Basketball nasta něhdźe w decembrje 1891 w Springfieldźe w US-ameriskim staće Massachusettsu, jako wuwi kanadiski lěkar a pedagoga James Naismith při YMCA nowu mustwowu hru. Z tym je basketball jedna z mało sportowych družin, kotrež su so wot jednotliwca wunamakali.

W lěće 1891 organizowaše pedagogiska rada na Springfield YMCA-Sport College wubědźowanje wo sportowu disciplinu, kotraž bě za zdźerženje fitnesy dźěći a młodostnych w zymskim semestrje trěbna.

Profijowa liga basketballa w Zjenoćenych statach je NBA.