Epic Records, ամերիկյան ձայնագրման լեյբլ, որը պատկանում է Sony Music Entertainment-ին։

Epic-ը սկզբնապես թողարկվել է ջազային և դասական երաժշտության լեյբլ 1953 թվականին Columbia Records ընկերության կողմից^[1]։ Վառ դեղին, սև և կապույտ տարբերանշանը ճանաչված առևտրային մակնիշ է դարձել շատ ջազային և դասական թողարկումների համար^[2]։ Նրանց թվին են դասվում այնպիսի կատարողներ, ինչպիսիք են Բեռլինի ֆիլհարմոնիկ նվագախումբը, Ջիլիարդ լարային քառյակը, Անտալ Դորատին, որ ղեկավարում է Հագյուի ֆիլհարմոնիան, և Ջորջ Սելը, որը ղեկավարում է Քլիվլենդի նվագախումբը։

10 տարի անց Epic-ը հասել է առաջին ոսկե ձայնագրությանը և սկսել է աշխատել մեծ թափ հավաքող ռոքնռոլ, R&B և քանթրի երաժշտության հետ։

1970-ական թավակններին լեյբլի հաջողությունը մեծացել է՝ շնորհիվ այնպիսի երաժիշտների հետ պայմանագրերի կնքման, ինչպիսիք են ABBA-ն (միայն Մեծ Բրիտանիայի տարածքում), Sailor-ը, The Clash-ը, Sly & the Family Stone-ը, Boston-ը, REO Speedwagon-ը, Ջոնի Նեշ-ը, Heart-ը (դուստր լեյբլում՝ Portrait Records), The Isley Brothers-ը, Էդգար Ուինթերը և Չարլի Ռիչը։

70-ականների և 80-ականների սկզբի հաջողության համար լեյբլը պարտական էր Ռոն Ալեքսենբուրգին, Ջիմ Թիրելին, Բրյուս Հարիսին, Ջիմ Չեյրնին, Իրա Շերմանին։

1980-ական և 1990-ական թվականներին Epic-ն աշխատել է այնպիսի աստղերի հետ, ինչպիսիք են Միթ Լոուֆը, The Jacksons-ը, Մայքլ Ջեքսոնը, Culture Club, Dead or Alive-ը, Electric Light Orchestra-ը, Korn-ը, Ozzy Osbourne-ը, Շադեն, Լյութեր Վանդրոսը, Գլորիա Էստեֆանը, Ջորջ Մայքլը և Սինդի Լաուփերը (Portrait Records լեյբլի միջոցով)։

Epic Records-ը Sony Music Entertainment ընկերության մասն է։ Sony-ն ձեռք է բերել բոլոր այն լեյբլները, որոնք պատկանում էին Columbia-ին 1988 թվականին։

Legacy Recordings-ը շարունակում է թողարկել դասական և լեգենդար ձայնասկավառակներ։

Epic Records-ի նախկին և ներկա լեյբլները.

• 550 Music (չի գործում)
• MJJ Music (չի գործում)
• Epic Street՝ ստեղծվել է հիփ հոփ ժանրում ստեղծագործողների համար։
• Daylight Records
• Beluga Heights՝ ստեղծվել է պրոդյուսեր Ջոնաթան «J.R.» Ռոթեմի կողմից։
• DC Flag Records
• Glowworm Records
• Hidden Beach Records՝ մասնագիտանում է R&B և սոուլ ոճերի մեջ։
• Okeh Records՝ նախատեսված է Okeh լեյբլի վերաթողարկման համար։
• Portrait Records (չի գործում)
• Ruthless Records (չի գործում), հիփ հոփ լեյբլ, որը ձևավորվել է 1987 թվականին, և Eazy-E և Ջերի Հելեր
• Work Records (չի գործում), հայտնի է նաև «WORK» և «The WORK Group» անվանումներով։ Առավել վաղ ղեկավարվել է որպես Chaos Recordings:

• Չարլի Ուոլք՝ Epic Records-ի նախագահ
• Նիկ Ռաֆայել՝ Epic-ի բրիտանական ստորաբաժանման ղեկավար
• Ջո Չարինգթոն՝ Epic-ի բրիտանական ստորաբաժանման ղեկավար։

• Epic Records
• Sony Music, Epic մայր կազմակերպություն
• Epic Records Myspace-ում Արխիվացված 2007-06-22 Wayback Machine