Le baroco^[1] es un stilo del periodo ab le secunde medietate del 17me seculo usque al prime medietate del 18ve seculo que esseva usate in le architectura de edificios e de jardines, in le pictura, sculptura, litteratura e musica.

Le parola baroco proveni del portugese barroco, que significa 'perla de forma irregular'. Le stilo baroc es dunque note per esser agile, con multe formas e detalios focose.

Le baroco es le periodo que succede le Renascentia (con le periodo intermediari del manierismo, que alcun vices es considerate como periodo separate). Post le Reformation in le initio del 16te seculo, le Ecclesia catholic roman perdeva multe autoritate. Particularmente in le Paises Basse septentrional, approximativemente toto al nord de Brussel, le protestantismo habeva multe adherentes. Per medio de multe decorationes e formas exuberante, le ecclesia tentava de contra-reformar le gente. Isto succedeva in grande mesura in le sud de Europa. Le nord restava reformate e quasi non esseva influentiate per le baroco. Per consequentia, in ecclesias baroc il ha un multitude de decorationes e imagines e in ecclesias protestante quasi nulle.

In le pictura, le baroco esseva etiam un periodo de renovation importante. Pictores renominate del epocha baroc include Rembrandt van Rijn, Peter Paul Rubens e Michelangelo Merisi da Caravaggio.

1. ↑ Derivation (in ordine alphabetic): (ca) Barroc || (de) Barock || (en) Baroque || (es) Barroco || (fr) Baroque || (it) Barocco || (pt) Barroco || (ro) Baroc || (ru) Барокко