Le patata (Solanum tuberosum) es un planta del familia Solanaceae. Le parola "patata" pote referer se al planta mesme o al tuberculo comestibile. Patatas ha essite introducite in Europa in le secunde medietate del seculo XVI per le espanioles, e ha devenite un parte integral del alimentation de grande partes del mundo. Illo es le quarte major cultura alimentari del mundo, post mais, tritico e ris. Le folios verde, assi como le pelles verde de tuberculos exponite al lumine, son toxic proque illos contine solanina.