Dorestad esis la maxim importanta komerco-kolonieto e frontierala pas-taxo en la Frankal imperio, situit en la bifurkajo di la riveri Lek e Kromme Rhijn (Kurva Rheno) direte apud Wijk bij Duurstede. Dorestad juis rejala protekto e havis propra monetiferio. En la 9ma yarcento l’urbo freque spoliesis da la Vikingi, ol inundesis plura foyi e pos la yaro 860 la kolonieto lente abandonesis.