De Karl Otto Lagerfeld, gebuer den 10. September 1933 zu Hamburg, a gestuerwen den 19. Februar 2019 zu Neuilly-sur-Seine, war en däitsche Couturier, Fotograf a Kënschtler.

Hie war vun 1983 bis zu sengem Doud Kreativen Direkter vun der Kleedermark Chanel an och vun der italieenescher Maroquineriesmark Fendi, souwéi vu sengem eegene Markelabel.

Virdrun huet hie beim Pierre Balmain a Jean Patou, souwéi als onofhängege Mataarbechter fir eng Partie aner Couturieren a Moudemarke geschafft.