Phoenix (in O'odham Skikik, in Yavapai Wasinka, in Apache de l'Ovest Fiinigis, in Navajo Hoozdo, in Mojave Hachpa 'Anya Nyava) a l'è la capital, la cità püssee granda e l'area metrupulitana püssee granda de l'Arizona, vün stat di Stat Ünì d'America.

Phoenix a l'è a 33°31'42" nort 112°4'35" ovest, in del center de l'Arizona. El gh'ha una süperfiss de 1.230,5 km², 1.229,9 de tera e 'pena 0,6 de aqua.

De solit el cel a l'è bel ciar, cunt una media de 300 dì de suu a l'ann. La temperadüra la riva a 38°C per 89 dì a l'ann, suratüt de giügn a setember, ma la pö anca rivà a püssee de 40°C. La temperadüra püssee granda a l'è stada quela del 26 de giügn del 1990: 50°C.