Monarki adolah suatu bantuak pamarintahan di mano surang rajo manjadi kapalo nagara saumua hiduik atau sampai turun tahta. Legitimasi politik jo otoritaih rajo dapek bavariasi dari tabateh jo sabagian gadang basifat simbolis (monarki konstitusional), hinggo sapanuahnyo bakuaso (monarki absolut), jo dapek mancakuik kasadoan bantuak kuaso eksekutif, legislatif jo yudikatif.[1]
Pangganti rajo sabagian gadang tajadi sacaro turun tamurun, acokkali barupo dinasti. Hal ko bararti pawarih tahta alah dikatahui jauah-jauah hari sabalum manjadi rajo untuak mamastian suksesi nan lancar.[2][3] Tapi monarki elektif jo nan maproklamasian diri sabagai rajo acok juo tajadi dalam sijarah.[4] Meskipun sabagian gadang rajo dalam sijarah adolah laki-laki, banyak pulo rajo padusi nan pernah mamarentah.[5]
Aristokrat atau bangsawan, meskipun indak malakek pado monarki, acokkali bafungsi sabagai kalompok urang-urang nan dipiliah dek rajo, jo untuak maisi limbago-limbago nan mambantuaknyo, misalnyo pangadilan, nan maagiahan banyak elemen oligarki pado monarki.
Rujuakan
[suntiang | suntiang sumber]- ↑ "Monarchy | Definition, Examples, & Facts | Britannica". www.britannica.com (dalam bahasa Inggris). Diakses tanggal 2023-02-28.
- ↑ Kurrild-Klitgaard, Peter (2000). "The constitutional economics of autocratic succession". Public Choice. 103 (1/2): 63–84. doi:10.1023/A:1005078532251. ISSN0048-5829.Parameter
|s2cid=yang tidak diketahui akan diabaikan (bantuan) - ↑ Kurrild-Klitgaard,Peter(2004)."Autocratic Succession".The Encyclopedia of Public Choice.103.pp.358–362.doi:10.1007/978-0-306-47828-4_39.ISBN 978-0-306-47828-4.
- ↑ "The Polish-Lithuanian Commonwealth". In Our Time. 14 October 2021. Diakses tanggal 29 March 2023.
- ↑ Beemer, Cristy (2011). "The Female Monarchy: A Rhetorical Strategy of Early Modern Rule". Rhetoric Review. 30 (3): 258–274. doi:10.1080/07350198.2011.581937. ISSN0735-0198. JSTOR23064026.Parameter
|s2cid=yang tidak diketahui akan diabaikan (bantuan)