BirdLife International — глобално партнерство на природозаштитни организации кое има за цел да ги запази и заштити птиците, нивните живеалишта и глобалната биоразновидност, и за таа цел работи со месните населенија за да се постигне одржливо искористување на природните ресурси. Ова е најголемото партнерство на природозаштитни организации во светот, со преку 100 организации членки од земји на сите континенти. Како такво, BirdLife е врховниот орган за контрола на состојбата на птиците, нивните живеалишта и проблемите со кои се соочуваат.

Застапник на BirdLife во Македонија е Македонското еколошко друштво^[1]

Организацијата BirdLife International е основана во 1922 г. од американските орнитолози Т. Гилберт Персон и Жан Теодор Делакур како „Меѓународен совет за заштита на птиците“ (англ. International Council for Bird Preservation). Сегашното име го добила во 1993 г.

BirdLife води заштитни програми во разни региони од светот: Африка Архивирано на 24јули 2013г., Северна, Средна и Јужна Америка Архивирано на 14октомври 2013г., Азија Архивирано на 14октомври 2013г., Европа и Средна Азија Архивирано на 18јули 2013г., на Блискиот Исток Архивирано на 24јули 2013г., во Океанија Архивирано на 6јули 2013г. и на Карибите Архивирано на 20јули 2013г..

Во рамките ана секој регион, организацијата спроведува глобални програми: „Глобална програма за морски птици“ Архивирано на 20јули 2013г., „Спречување на изумирања“ Архивирано на 20јули 2013г., „Патишта на летање“ Архивирано на 13август 2013г., „Климатски промени“ Архивирано на 5септември 2013г., Шуми на надежта, „Оспособување на месното население“ Архивирано на 4јули 2013г. и „Важни птичји подрачја“ Архивирано на 1мај 2011г..^[2]

Организацијата го издава тримесечникот World Birdwatch со новости и стручни написи за птиците, нивните живеалишта и нивната заштита во светот.

BirdLife International е органот надлежеб за птици во составувањето на црвениот список на Меѓународниот сојуз за заштита на природата (МСЗП, IUCN). Според испитувањата од 2012 г, во светот има 1.313 видови птици што се во некаква опасност од изумирање (т.е. во категориите „Критично загрозени“, „Загрозени“ и „Ранливи“). Ова изнесува 13% од вкупно 10.064 видови на птици во светот.

• Македонско еколошко друштво
• Друштво за проучување и заштита на птиците на Македонија
• Птичарење

• BirdLife International Архивирано на 14октомври 2013г. (англиски)
• BirdLife - Информации и факти за сите видови птици во светот Архивирано на 27октомври 2016г. (англиски)