Jazz Jackrabbit (македонски: Џез Џекребит) — компјутерска игра произведена од Epic MegaGames (сега Epic Games) и Digital Dimensions (сега Orange Games), чиј главен лик е зелен антропоморфен зајак по име Џез. За своето време, играта Jazz Jackrabbit имала добра графика, динамичен начин на игра и немала сериозни конкуренти меѓу другите платформери на PC. Jazz Jackrabbit била наградена со признанието „Аркадна игра на годината“ (англ. Arcade of the Year) од списанието „PC Format“. Основниот заплет на играта е судирот меѓу желките и зајаците, кој трае веќе три илјади години од настаните опишани во басната на Езоп „Желката и зајакот“. Злогласниот водач на желките терористи, Деван Шел (англ. Devan Shell), ја грабнал зајчицата Ева Долгоушка (англ. Eva Earlong), која е принцеза на планетата Керотус, и ја преплавил галаксијата со своите соработници. Зајакот Џез Џекребит патува низ различни планети во потрага по својата сакана Ева Долгоушка, истовремено спасувајќи ја галаксијата и уништувајќи ги плановите на злобникот Деван Шел за уништување на Галактичките Зајаци (англ. Galactic Rabbits).^[1]

Според описот од упатството за корисникот на играта, личните податоци на зајакот Џез Џекребит се: раст 71 см, тежина 41 кг, машки пол, зелено крзно, сини очи. Омилена храна му е пица со морков, омилена книга „Бродот што отплови“, а мотото му е: „When you’re a little rabbit, carry a BIG gun!“ („Ако си мал зајак, носи ГОЛЕМ пиштол!“).

Оригиналната верзија на играта вклучува шест епизоди, при што дејството во секоја од нив се одвива на три различни планети и епизодата завршува со борба со босот. Престојот на секоја планета е поделен на три нивоа, вклучувајќи и едно бонусно ниво со поглед од прво лице. Верзијата на дискети вклучувала само три епизоди, додека останатите три епизоди се купувале одделно. Изданието на компактни дискови (CD) ги содржело сите шест епизоди и три дополнителни. Вкупно, тоа биле 9 епизоди, 72 нивоа и 27 бонусни нивоа.

Биле издадени и две празнични изданија:

• Божиќ 1994: Jazz Jackrabbit: Christmas Edition;
• Божиќ 1995: Jazz Jackrabbit: Holiday Hare '95.

Така, вкупниот број на нивоа издадени во првиот дел од серијалот Jazz Jackrabbit изнесувал 81 и 29 бонусни нивоа. Од времето на првиот дел, Jazz Jackrabbit се здобил со многу верни обожаватели. Конечно, во 1998 г. било издадено продолжението Jazz Jackrabbit 2.

• Jazz Jackrabbit на MobyGames
• Матична страница (архив)