Matti Aikio (18. juni1872–25. juli1929), eigentleg Mathis Isachsen, var den første samiske forfattaren i Noreg.

Matti Aikio vart fødd og døydde i Karasjok. Han var son av ein lærar. Aikkio studerte mellom anna pedagogikk i Trondheim, og arbeidde som lærar mellom 1896 og 1906 i Finnmark og Sør-Noreg.

Aikio lærte seg norsk først i 1890, som 18-åring. Romanane og dramaa sine skreiv han på norsk. Han gjev eit nøyaktig bilete av den harde kvardagen til den samiske minoriteten, og kampen dei fører for eigen identitet og sjølvstende.

Frå 1921 vart Aikio statsstipendiat.

• 1904 – Kong Akab
• 1906 – I Dyreskind (omsett til samisk 2003: Náhkehasat)
• 1907 – Ginunga-Gap
• 1911 – Hebræerens Søn
• 1912 – Polarlandsbreve og andre
• 1918 – Hyrdernes Kapel
• 1920 – Gustav Vigeland
• 1929 – Bygden på Elvenesset