Kalander (of tor) ta insectonan cu ta pertenece na e orden Coleoptera. Un caracteristica definitivo di kalander ta nan par di hala padilanti cu a forma den un capa duro protectivo, e elytra. E caracteristica aki ta distingui nan for di mayoria di otro gruponan di insecto.

Cu aproximadamente 400.000 especie describi, Coleoptera ta e orden di mas grandi di insecto, y en berdad e orden di mas grandi di cualkier grupo di bestia, representando casi 40% di tur Arthropoda describi y 25% di tur especie di bestia conoci. Especienan nobo ta wordo descubri regularmente, y calculacionnan di e cantidad total di especie di kalander ta varia di 900.000 pa 2.1 miyon. Sinembargo, e dominio aki tin biaha ta wordo cuestiona door di e gran diversidad di otro orden di insecto, manera e Diptera (muska) y Hymenoptera (maribomba y fruminga).

Kalandernan ta ocupa casi tur habitat na Tera, cu excepcion di ambientenan marino y polar. Nan ta eherce un variedad di rolnan ecologico: hopi ta alimenta nan mes cu mata y fungi, ta digeri material di bestia y mata, of ta jaag riba otro invertebradonan. Algun kalander ta dañino pa agricultura, manera e Leptinotarsa decemlineata, cu ta daña vegetacion. Otronan, manera bacator (Coccinellidae), ta benificioso pasobra nan ta come insectonan cu ta dañino pa mata, manera pispis (Aphidoidea). Cierto kalander tamber ta expone caracteristicanan unico, manera bichi candela (Lampyridae). Nan ta posee organonan ilumina pa comunica y par.