Paul-Michel Foucault (☆ 15 di òktober 1926 na Poitiers – † 25 di yüni 1984 na Paris) tabata un filósofo, historiadó di idea, eskritor, aktivista polítiko i kritiko literario franses. E teorianan di Foucault ta trata prinsipalmente e relashonnan entre poder i konosementu, i kon nan ta wòrdu usa komo un forma di kontrol sosial via e institushonnan sosial. Aunke hopi biaha e ta ser sita komo strukturalista i posmodernista, Foucault a rechasá e etikètnan aki.^[1] Su pensamentu a influensiá akadémiko, spesialmente esnan ku ta traha den antropologia, sikologia, sosiologia, kriminologia, estudionan di komunikashon i di kultura, teoria literario, feminismo, marksismo i teoria krítiko.