Sandra Borch

Sandra Konstance Nygård Borch er fødd i Lavangen i Troms. Ho tok mastergrad i rettsvitskap ved Universitetet i Tromsø (UiT Noregs arktiske universitet) i 2012 (annullert 2024, sjå nedanfor). I perioden 2015–2017 var ho rådgivar i arbeidstakarorganisasjonen Parat i Tromsø.

Borch var leiar av Troms Senterungdom 2007–2009, medlem av sentralstyret i Senterungdommen frå 2009, først som internasjonal leiar 2009–2010, som nestleiar 2010–2011 og som leiar 2011-2013.

Borch var kommunestyrerepresentant for Senterpartiet i Lavangen frå 2007 til 2011 og medlem av fylkestinget i Troms frå 2011 til 2019. Ho var òg medlem av Tromsø kommunestyre frå 2015 til 2019. I perioden 2009–2013 var Sandra Borch vararepresentant til Stortinget. Frå 2017 til 2025 var ho stortingsrepresentant for Senterpartiet frå Troms, men mista mandatet i 2025 etter partiets dårlege val.

Borch er ein engasjert og til dels kontroversiell, frittalande og markant politikar. Ho har fått kritikk i media på grunn av politiske utspel som går på tvers av partilinja. Borch har i tillegg opplevd mykje hets på grunn av at ho er kortvaksen. Dette førte til at ho trekte seg frå politikken for ein periode.

Sandra Borch trekte seg som statsråd i 2024 etter at det vart avslørt at delar av masteroppgåva hennar i rettsvitskap inneheldt stoff frå tidlegare oppgåver levert av andre studentar utan at dei vart oppgitt som kjelde. Avsnitta var til dels kopiert ordrett frå dei tidlegare oppgåvene. Masteroppgåva vart seinare annullert av Universitetet i Tromsø.

I 2026 vart ho dømd til fengsel på vilkår for to tilfelle av køyring i ruspåvirka tilstand. Ho fortalte samstundes at ho hadde lagt seg inn på institusjon som følge av alkoholproblem.

• Senterpartiet
• Senterungdommen
• Regjeringa Støre
• Landbruks- og matdepartementet
• Stortingsrepresentantene 2021–2025

• Regjeringa sin nettstad om landbruks- og matminister Sandra Borch
• Stortinget sin nettstad om Sandra Borch