dverghauk
Dverghauk er ein liten rovfugl i haukefamilien og har naturleg utbreiing i Afrika sør for Sahara.
Faktaboks
- Vitskapeleg namn
- Accipiter minullus
- Beskriven av
- (Daudin, 1800)
Som vaksen er fuglen ca. 22 cm lang, hannfuglar veg rundt 81 gram og hofuglane rundt 97 gram.
Arten er knytt til ulike habitat, mellom anna jordbruksland, fuktig tropisk skog, mangroveskog, tørr savanne og tørr tropisk buskmark. Dverghauk er ein jegar som lever av små varmblodige dyr og virvellause dyr (invertebratar) som han fangar på bakken.
I løpet av hekkeperioden legg hofuglen som oftast to egg som blir ruga ut i løpet av ca. 32 dagar. Ungane forlèt reiret om lag fire veker etter klekking og blir kjønnsmodne i løpet av eitt år.
Systematikk
| Nivå | Vitskapleg namn | Norsk namn |
|---|---|---|
| Rike | Animalia | dyreriket |
| Rekke | Chordata | ryggstrengdyr |
| Underrekke | Vertebrata | ryggradsdyr, virveldyr |
| Klasse | Aves | fuglar, fugler |
| Orden | Accipitriformes | haukefugler |
| Familie | Accipitridae | haukefamilien |
| Slekt | Accipiter | |
| Art | Accipiter minullus | dverghauk |
Systematikken følgjer Artsdatabankens inndeling (2024).
Les meir i Store norske leksikon
Faktaboks
- Vitskapeleg namn
- Accipiter minullus
- Artsdatabanken-ID
- 175330
- GBIF-ID
- 2480594
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.