tuja

Dette er tre med krossvis motsette, skjelforma blad som ikkje blir felte om hausten.

Treet kan bli 20 meter høgt. Arten finst i fleire sortar (kultivarar)

Treet bli ofte planta i hagar, parkar og på kyrkjegardar i Noreg.

Yteveden er nesten kvit og svært smal, medan kjerneveden er raudbrun, oftast rettfibrig. Densiteten (massetettleiken) ved 15 prosent fukt er cirka 0,39 gram per kubikkcentimeter. Tjukkare materiale kan vera vanskeleg å tørke og ha tendens til cellekollaps.

Tuja gir korrosjon på metalldelar. Tuja er haldbart, men har dårlegare styrke enn furu, og blir brukt der haldbarheit er meir avgjerande enn styrke.

Veden inneheld aromatiske stoff som kan føre til svimmelheit i lukka rom.

• sypressfamilien
• bartre
• tre – plante