Kawat nyaéta tali nu dijieun tina logam. ^[1] Kawat mangrupa logam nu dibedol jadi nyarupaan benang atawa batang.^[2] Biasana barang ieu dipaké utamana pikeun méré bantuan struktural, saperti dina beton atawa pikeun ngalirkeun listrik, biasana kawatna diisolasi maké plastik atawa karét.^[2]

Kawat mangrupa silinder jeung beulitan logam nu fléksibel, kawat geus kapanggih di situs arkéologi 5.000 taun ka tukang.^[3] Awalna, kawat dipaké dina perhiasan.^[3] Strip logam bakal didorong ngaliwatan liang manik-manik batu nepi ka logam bakal ngalipet jadi wangun tabung.^[3] Pabrik kawat mimiti aya di Inggris dina taun 1500-an.^[3] Satuluyna waktu teknologi manusa jadi leuwih canggih, kawat mimiti dipaké pikeun kaperluan listrik jeung pikeun dijieun jadi tali kawat.^[3]