- eSIM ishlashi uchun internet kerakmi?
Internet faqat eSIMni faollashtirish yoki o‘chirish paytida kerak bo‘ladi.
-SIM-kartadan eSIMga o‘tganimda mendagi tarif va xizmatlar saqlanib qoladimi?
Raqamingizdagi barcha xizmatlar va tarif saqlanib qoladi.
- eSIMni qaytadan oddiy SIM-kartaga almashtirish mumkinmi?
eSIMni SIM-kartaga almashtirish uchun, Siz Kompaniyaning istalgan bir savdo va xizmat ko‘rsatish ofisiga shaxsan murojaat etishingiz hamda quyidagilarni taqdim etgan holda ushbu usullardan biri orqali identifikatsiya jarayonidan o‘tishingiz lozim:
1. Amal qilish muddati tugamagan, Sizning shaxsingizni, vaqtincha yoki doimiy ro‘yxatga qo‘yilganligingizni tasdiqlovchi quyida ko‘rsatilgan hujjatlardan birining asli:
•O‘zbekiston Respublikasi fuqarosining biometrik pasporti;
•O‘zbekiston Respublikasi fuqarosining identifikatsion ID-kartasi;
•O‘zbekiston Respublikasi fuqarosining yangi namunadagi haydovchilik guvohnomasi;
•O‘zbekiston Respublikasi fuqarosining eski namunadagi haydovchilik guvohnomasi;
•chet el fuqarosining pasporti;
•ofitser guvohnomasi, harbiy guvohnoma;
•akkreditatsion karta (diplomatik vakolatxonalar va missiyalarning xodimlari uchun);
•chet el fuqarosining O‘zbekistonda yashash huquqini tasdiqlovchi hujjat;
•fuqaroligi bo‘lmagan shaxslar uchun yashash huquqini tasdiqlovchi hujjat yoki xorijga chiquvchi hujjat;
•fuqaroligi bo‘lmagan shaxsning guvohnomasi;
•O‘zbekiston Respublikasi fuqarosining xorijga chiqish pasporti;
•talabalik guvohnomasi;
•harbiy guvohnoma;
•pensioner guvohnomasi;
•davlat korxonalari, tashkilot va muassasalari xodimlari guvohnomasi;
•Ma’lumotnoma №9 shakl – pasport yo‘qotilganda ichki ishlar idoralari tomonidan berilgan fotosuratli ma’lumotnoma, ort tarafida vaqtinchalik yoki doimiy propiska shtampi qo‘yilgan bo‘lsihi kerak. Ma’lumotnoma olti oygacha muddat bilan beriladi.
2. MyGov ilovasidagi Face ID tizimi orqali majburiy biometrik identifikatsiyadan o‘tgan Sizning profilingizga yuklangan, shaxsingizni tasdiqlovchi hujjatning elektron versiyasi.
3. Kompaniya xodimi skanerlashi uchun MyGov ilovasidagi Face ID tizimi orqali majburiy biometrik identifikatsiyadan o‘tgan Sizning profilingizda yaratilgan QR-kod.
Abonent (Ishonch bildiruvchi) vakili bo‘lish yoki uning nomidan ish tutish uchun Kompaniyaga murojaat qilib Ishonchnoma taqdim etganingizda, quyidagi ma’lumot va harakatlar Ishonchnomada albatta aks ettirilgan bo‘lishi kerak:
•Ishonchnoma berilgan joy va sana;
•Ishonch bildiruvchi hamda Ishonchli vakilning familiyasi, ismi va otasining ismi;
•Pasprot ma’lumotlari (seriya va raqami, berilgan sana\kim tomondan berilganligi, amal qilish muddati);
•Ishonch bildiruvchi va Ishonchli vakilning doimiy yoki vaqtinchalik propiska (ro‘yxat) bo‘yicha yashash joyi;
•Ishonchli vakilga berilgan vakolatlar doirasi (aniq abonent raqam(lar)ini ko‘rsatgan holda);
•Ishonch bildiruvchining imzosi
•Ishonch bildiruvchining pasport nusxasi;
•Ishonchli vakil pasportining asli.
